«UzAuto yöq – muammo ham». Blogerlarning hafta mavzulari

2020 yil ma'lumotlariga köra, zavod tölagan soliqlarning jami miqdori 2 trln sömni taşkil etgan. Agar e'tibor qiladigan bölsak, çegaradagi bojlar pasaytirilib QQSdan olingan tuşumlar zavod tölagan soliqlardan 2,8 marta köproq. Ya'ni agar hukumat yuqoridagi qarorni qabul qilsa, budjetga soliq tuşumlari kamaymaydi, balki qöşimça 3,6 trln sömga oşişi mumkin. Öylaymanki, 10 foizlik boj tuşumlari ham hozir import qilinayotgan avtomobillardan tuşadigan tuşumdan ança köproq körsatkiçni taşkil qiladi (çunki ba'zi manfaatdor guruhlar, xususan, UzAuto Motors, turli imtiyozlar evaziga avtomobillarni bojlarsiz import qilmoqda). Ya'ni boşqaça aytganda, çegaradagi bojlarning men taklif qilayotgan darajaga tuşirilişidan davlat budjeti heç qanday yöqotişga uçramaydi, balki budjet daromadlari sezilarli miqdorga oşişi mumkin», – deb yozdi Mirkomil Xolboyev.

Iqtisodçi agar zavod yopilib ketsa, hukumat işçilarga iş topib olgunça oyliklarini töliq tölab turgan taqdirda ham bu hukumatning zavodga berib kelayotgan yoki berişga tayyor bölgan imtiyozlaridan ön marta arzonroq tuşişini ta'kidlagan.

«Bojlarni bekor qiliş, ayniqsa, kambağallar uçun yaxşi»

Iqtisodçi Behzod Hoşimov ham ayni bojlarni bekor qiliş masalasiga e'tibor qaratdi.

«Bizdagi import bojlarining yöq qilinişi özbekistonliklar real ravişda boyişiga olib keladi. Ayniqsa, daromadining asosiy qismini oziq-ovqat, kiyim, maişiy texnika kabi narsalarga ketkazuvçi insonlar eng katta manfaatdor böladi. Qöpol qilib aytsak, eng moliyaviy zaif insonlar import bojlaridan eng köp zarar köradi, çunki ularning daromadlari foizining katta qismi şuni tölaşga ketadi. Ya'ni bu juda progressiv çora böladi. Import bojlarini bekor qiliş – eng mantiqli va zararsiz ravişda Özbekiston aholisining moliyaviy ahvolini yaxşilaş uçun vosita. Ayniqsa, kambağal insonlar ahvolini yaxşilaş uçun.

Fiskal qismini esa «foyda» va daromaddan oliş kerak. Idealda, albatta «iste'mol»dan», – deb yozdi u.

Bor-yöği 20 kun toza havo bilan

«Zametki ekonomista» kanali muallifi Botir Qobilov oxirgi uç yil içida Toşkent şahridagi havo sifati haqida yozdi.

«2021 yilda havo sifati yaxşi (yaşil rang) bölgan kunlarning soni bor-yöği 20ta ekan. Rang qança töq bölsa havo sifati şunça xavfli degani. Bu yilgi noyabr oyiga qarang… (1 rasm)

Qiziği, 2020 yil aprel-iyul oylarida havo sifati bu yilgi öşa davrdan ança yaxşiroq bölgan. Sababi oddiy: karantin çoralari tufayli kamroq avtomobil köçada bölgan, çiqindilarni atmosferaga çiqaradigan ba'zi zavodlar işlamagan. Ya'ni havo özidan özi yomon bölib qolmaydi, aksinça faqat va faqat bizning harakatlarimiz va qarorlarimiz unga sabab.

Eslatib ötaman, özimizning rasmiy ma'lumotlarga köra, Toşkent şahrida atmosferaga çiqayotgan çiqindilarning 90 foizi avtomobillar hissasiga töğri keladi», – ta'kidlaydi u.

Luğatlardan muammo sözini olib taşlaylik – bloger Xuşnud Xudoyberdiyev

Ötgan hafta strit-art rassomi «Inkuzart»ning benzin narxi tanqid qilingan graffiti keng muhokamalarga sabab böldi. Bloger Xuşnud Xudoyberdiyev ham şu mavzuga e'tibor qaratdi.

«Köplab ijtimoiy masalalarda özining ajoyib san'at asarlari bilan tanilgan strit-art rassomi «Inkuzart» benzin narxining keskin kötarilişi mavzusida Toşkentdagi yonilği quyiş şoxobçasi oldidagi devorga graffiti çizdi. Ammo bu graffiti qisqa fursatlarda devordan öçirildi.

Uning ötgan galgi Özbekistonda avtomobillarga uzundan uzun navbatlar haqidagi graffitisi ham öçirilgan edi.

Menimça, barça luğatlardan «muammo» sözini öçiriş hamda aholi orasida muomaladan butunlay çiqariş töğrisida qonun qabul qiliş kerak. Şunda Özbekistonda öz-özidan birorta muammo qolmas, barçasi öz yeçimini topar edi», – deya kinoyaomuz post qoldirdi bloger.

Maktab yetişmovçiligini yeçiş rejalari mavjud emas

Iqtisodçi Otabek Bakirov garçi bu jiddiy muammo bölsa ham, hukumatning maktab yetişmovçiligi borasida rejalari yöqligi haqida yozdi.

«Umumiy quvvati 5 097,8 ming örinli mavjud 9 803 ta maktabda 6 319,8 ming öquvçi öqimoqda. Ya'ni 1 222 ming öquvçi maktab yetişmovçiligi şaroitida ta'lim olmoqda. Bu 2-,3-smenalar, bir sinfda 45 tagaça öquvçi, eng muhim fanlar böyiça öqituvçilarning yetişmasligi kabilarda namoyon böladi.

Siz hukumat yaqin yillarda bu muammoni yeçişga urinib köradi yoki bu yölda faol harakatlarni boşlaydi deb öylaysizmi?

Hukumatning Tojikistonda, Qirğizistonda va hatto bizdan 3 karra boy Ozarboyjonda maktab quriş rejalari bor, lekin Özbekistonda maktab yetişmovçiligi muammosini yeçişga xohişi ham, istagi ham yöq.

Kelasi uç yilda maktab yetişmovçiligi muammosi qisqarişi örniga faqat ortadi va hukumatning prognoziga köra, yetişmovçilikni 2024 yilga borib yana qöşimça 450 ming öquvçi, jami 1 687,4 ming öquvçi his eta boşlaydi.

Şuning uçun farzandingiz 50 öquvçi öqiydigan sinflarda öqişini, özi quyiga ingan ta'lim sifatini yanada pasayişini oldindan özingizga qabul qilavering», – deb yozdi u.

«Tezda zarur çoralar köriş lozim» – davletov.uz kanali yöllardagi YTHlar haqida

«Yil boşidan buyon salkam 2000 odam YTHlar natijasida vafot etgan. 2000ta qabr xuddi mana şunday körinişda böladi.

Bu bizni öylantirişi kerak va tezroq zarur çoralarni köriş zarur. Yöllar infrastrukturasini yaxşilaş, yöl qoidalarini qayta körib çiqiş, qoidabuzarlarga nisbatan javobgarlik muqarrarligini ta'minlaş, piyodalar ustuvorligiga tölaqonli erişiş, imtihonlarda korrupsiyani yöqotiş juda muhim.

Şaharlar avtomobillar uçun emas, jamoat transporti uçun, piyodalar uçun qulay qilib loyihalaştirilişi kerak. Odamlar işga şaxsiy avtomobilida emas, jamoat transportida boriş qulayligini his qilişi kerak», – deb yozdi bloger.

Kanadada istiqomat qiladigan bloger Farhod Fayzullayev ham bu haqda yozarkan, jarimalar miqdorining oşiriliş kerakligini ta'kidlaydi. U «Prava» berişni korrupsiyadan xalos qiliş kerakligi, avtomaktabda öqiş majburiy bölmasligi, lekin imtihon olişda korrupsiyaga barham beriş şartligini aytib ötdi.