Iteca Exhibitions 2024-yilni O‘zbekistonning butun ko‘rgazma sanoati uchun ajoyib yutuqlar bilan yakunlandi: 113 mingdan ortiq tashrif buyuruvchilarni jalb etgan 20 ta ko‘rgazma, 14 ta forum va seminarlar o‘tkazildi. Bu so‘nggi o‘n yillikdagi tashriflarning eng yuqori ko‘rsatkichi va o‘tgan yilga nisbatan 8 mingga ko‘p.
Tadbirlarda 57 mamlakatdan 4517 kompaniya va brend, 141 spiker, 2515 delegat ishtirok etdi. Tashrif buyuruvchilar geografiyasi ham o‘sdi - 81 mamlakatdan 13 894 nafar xorijiy mutaxassis bozorni o‘rganish, hamkorlar topish, shartnomalar tuzish, o‘zlarini taqdim etish uchun Toshkentga tashrif buyurdi.
An’anaviy tarzda tadbirlar iqtisodiyotning strategik yo‘nalishlarini, jumladan qurilish, oziq-ovqat sanoati, sog‘liqni saqlash, neft va gaz, energetika, transport, to‘qimachilik mashinasozligi, kimyo, mashinasozlikni o‘z ichiga qamrab oldi.
Ko‘rgazmalarning umumiy maydoni 46 ming kvadrat metrdan oshdi, ularning yarmidan ko‘pi mahalliy eksportchilar mahsulotlariga to‘g‘ri keldi. O‘tgan yilga nisbatan eksportchilarning ko‘rgazmalardagi ulushi 27 foizga oshdi. Ushbu raqamlar ekspozitsiyalar ko‘lamini va Iteca Exhibitionsning milliy brendlarni mustahkamlash, O‘zbekiston bozoriga yangi o‘yinchilarni jalb qilish, raqobatni rivojlantirishga qo‘shgan hissasini namoyish etadi.
Qiziqarli fakt: bu yilgi ko‘rgazmalarda eng ko‘p ishtirok etgan mamlakatlar beshligi mos ravishda Xitoy, O‘zbekiston, Rossiya, Turkiya va Germaniyani o‘z ichiga qamrab oldi. Ko‘rgazmalardan so‘ng o‘tkazilgan so‘rovlarga ko‘ra, 2024-yil yangi ishtirokchilar soni bilan ham diqqatga sazovordir - 40 foiz. Ulardan ba’zilari uchun O‘zbekistonning iqtisodiy salohiyati bilan tanishish aynan Iteca Exhibitions ixtisoslashtirilgan loyihalarida ishtirok etishdan boshlandi.
Tashrif buyuruvchilar orasida yuqoridagi sohalarning asosiy vakillari, shu jumladan bevosita yoki bilvosita qaror qabul qiluvchilarning o‘rtacha 83,5 foizi va respublikaning savdo kun tartibini shakllantiruvchilarni tashkil etadi.
