AQShda Tesla kompaniyasiga nisbatan tekshiruv boshlandi
Tekshiruv Tesla kompaniyasining sifat bo‘yicha sobiq menejyeri Stiven Xenkesning shikoyat arizasidan so‘ng boshlandi.
AQSh qimmatli qog‘ozlar va birjalar bo‘yicha komissiyasi (SEC) Tesla kompaniyasiga nisbatan surishtiruv boshladi. Bu kompaniya o‘z aksionerlari va muvofiqlashtiruvchi organlarni quyosh batareyalaridagi nosozliklar tufayli yonish xavfi mavjudligi to‘g‘risida ogohlantirmagani bilan bog‘liq, deb yozadi Reuters.
Tekshiruv Tesla kompaniyasining sifat bo‘yicha sobiq menejyeri Stiven Xenkesning shikoyat arizasidan so‘ng boshlandi. Xenkes o‘z arizasida Tesla va uning SolarCity energetika shu'ba kompaniyasi quyosh panellaridagi nosozliklar tufayli yonish xavfi borligi haqida aksionerlarga ma'lum qilmaganini bildirgan.
Xenkes Tesla rahbariyatini yonish xavfi bor quyosh panellarini o‘chirish zarurligi haqida xabardor qilganini aytgan. Ammo kompaniyadagilar uning so‘rovini rad etgan. 2020 yil avgustda Xenkes ishdan bo‘shatilgan, shundan so‘ng u kompaniyani sudga bergan.
Uning arizasiga ko‘ra, quyosh panellari xavfsizlik tizimidagi nosozliklardan 60 mingdan ortiq mijoz va 500ta korxona zarar ko‘rgan.
Mavzuga oid
23:56 / 04.10.2024
Tesla AQShdagi eng hamyonbop modeli savdosini to‘xtatdi
11:15 / 02.10.2024
Floridada “Helen” to‘foni sabab suv bosgan garajda Tesla avtomobili yonib ketdi
23:19 / 10.09.2024
Yevropa Ittifoqi Tesla va Xitoyda ishlab chiqarilgan elektomobillar uchun bojlarni kamaytiradi
21:51 / 05.09.2024