6 ta xususiy bandlik agentligining litsenziyasi vaqtincha to‘xtatildi. Bu haqda Bandlik va mehnat munosabatlari vazirligi xabar bermoqda.
Qayd etilishicha, vazirlikning 2021 yil 7 dekabrdagi tegishli qarorlari bilan quyidagi xususiy bandlik agentliklarining litsenziyalari 10 kun muddatga vaqtincha to‘xtatildi:
- «Mirai recruitment agency xususiy bandlik agentligi» MChJ;
- «Reiwa xususiy bandlik agentligi» MChJ;
- «Turon world cooperation xususiy bandlik agentligi» MChJ;
- «Priority international xususiy bandlik agentligi» MChJ;
- «Specialist group xususiy bandlik agentligi» MChJ;
- «Jyonan-staff Business xususiy bandlik agentligi» MChJ.
Vazirlik ma'lumotiga ko‘ra, ushbu xususiy bandlik agentliklari Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasida BHMning 8500 baravari miqdoridagi mablag‘larni zaxira sifatida to‘ldirmagan.