09:34 / 19.12.2021
3281
Коллеж ва техникумларда тўлов-контракт тўлаш муддати узайтирилди

Давлат қабул комиссиясининг қарорига мувофиқ, коллеж ва техникумларга тўлов-контракт асосида ўқишга тавсия этилган абитуриентларга 2021/22-ўқув йилида ўқиш учун белгиланган тўловларнинг камида 50 фоиз миқдорини тўлаш муддати 2022 йилнинг 20 январигача (20 январ куни ҳам) этиб белгиланди.

Шунингдек, 2021/22-ўқув йили қабулида коллеж ва техникумларга кириш тест синовларида иштирок этиб, ўқишга тавсия этилмаган абитуриентларнинг касб олишга бўлган қизиқишини инобатга олган ҳолда, истисно тариқасида, уларни берган аризаларига мувофиқ имтиҳон топширган фанлар мажмуаси бир хил бўлган касб ёки мутахассисликларнинг вакант ўринларига тўлов-контракт асосида ўқишга қабул қилишга рухсат этилди.

Эслатиб ўтамиз, аввалроқ 31 декабр ОТМ талабаларига контракт тўлашнинг охирги куни деб белгиланган эди.

Top