Urganch, Buxoro, Namangan, Qarshi va Nukusdan qo‘shimcha aviaqatnovlar amalga oshiriladi.
“Uzbekistan Airways” AJ talabalar uchun qulaylik yaratish maqsadida 7 yanvardan 9 yanvarga qadar Urganch, Buxoro, Namangan, Qarshi va Nukusdan Toshkentga qo‘shimcha qatnovlarni amalga oshirishni rejalashtirmoqda.
Aviakompaniya ma’lumotiga ko‘ra, 7 yanvar kuniga Toshkent – Urganch – Toshkent va Toshkent – Buxoro – Toshkent reysi rejalashtirilgan.
Bundan tashqari, 8 yanvar kuni Toshkent – Namangan – Toshkent, Toshkent – Urganch – Toshkent (yo‘lovchi sig‘imi ko‘p bo‘lgan havo kemasi turiga almashtirildi), Toshkent – Buxoro – Toshkent (yo‘lovchi sig‘imi ko‘p bo‘lgan havo kemasi turiga almashtirildi) va Toshkent – Nukus – Toshkent (yo‘lovchi sig‘imi ko‘p bo‘lgan havo kemasi turiga almashtirildi) yo‘nalishi bo‘yicha qo‘shimcha qatnov yo‘lga qo‘yiladi.
Shuningdek, 9 yanvar kuni Toshkent – Nukus – Toshkent, Toshkent – Buxoro – Toshkent, Toshkent – Qarshi – Toshkent va Toshkent – Urganch – Toshkent reysi amalga oshiriladi.
Aviachiptalarni aviakompaniyaning rasmiy saytidan, Uzbekistan Airways Sales filialidan yoki aviakompaniya agentlaridan xarid qilish, shuningdek, parvoz vaqtini ham bilib olish mumkin ekani aytiladi.
