Tuman sabab Istanbul-Toshkent reysi Samarqandga yo‘naltirildi

Toshkent xalqaro aeroportida tuman tufayli parvozlarni qabul qilishda cheklovlar yuzaga kelgan. 

Shu munosabat bilan Turkish Airlines aviakompaniyasining Istanbul—Toshkent yo‘nalishidagi THY368 reysi ekipaji xavfsizlik talablaridan kelib chiqib, Samarqanddagi muqobil aerodromga yo‘nalishni tanladi.

Parvozning keyingi harakati va Toshkentga qo‘nishi bo‘yicha ma’lumotlar qo‘shimcha ravishda ma’lum qilinishi kutilmoqda.