Qishki ta’tilning uzaytirilgani o‘quv yili muddatiga qanday ta’sir ko‘rsatishiga izoh berildi

Oliy va o‘rta maxsus ta’lim vaziri o‘rinbosari Komiljon Karimov qishki ta’tilning 24 yanvargacha uzaytirilgani o‘quv yili davomiyligiga qanday ta’sir qilishi bo‘yicha izoh berdi. 

"Ta’tilning uzaygani 1–2-kurslar o‘quv yili muddatiga katta ta’sir qilmaydi. Chunki yangi modul tizimimizda o‘quv yili davomiyligi eski tizimga nisbatan ancha qisqargan. Ilgarigi tizimda 38-40 o‘quv haftasi bo‘lgan bo‘lsa, bugungi kunda 30 hafta. O‘quv birinchi semestrda 15 hafta, ikkinchisida 15 hafta davom etadi", - dedi u Xalqaro press-klubning navbatdagi sessiyasida.

Vazir o‘rinbosarining aytishicha, 1–2-kurs talabalari o‘qishni 3–4-kurslarga nisbatan vaqtliroq tugatadi. Ularning o‘qish muddati iyun oyiga bormasdan  yakuniga yetadi.