20:40 / 18.01.2022
40522
Сув остида уйғонган вулқон, ноодатий совуқ келган Покистон ва «ҳаёт учун салиб юриши». Кун суратлари

Kun.uz дунёнинг турли чеккаларидаги сўнгги воқеаларга оид суратларни жамлади.

Фото: NOAA/SSEC/CIMSS via REUTERS

14 январь куни Тонга архипелагида сув остидаги Ҳунга-Тонга-Ҳунга-Ҳаапай вулқони уйғонди ва унинг ортидан қатор цунамилар юзага келди. Вулқон отилиши оқибатида сувости кабеллари зарарланган, натижада бутун архипелаг бўйлаб телефон алоқаси ва интернет узилган. Сунъий йўлдош орқали алоқа ҳам атмосферага кўтарилган катта ҳажмдаги кул туфайли узилишлар билан ишламоқда, шу туфайли, ҳозирга қадар бу фалокат оқибатлари кўлами маълум эмас. Расмийлар уч киши қурбон бўлгани ва ўнлаб кишилар бедарак йўқолгани ҳақида хабар берган.

Тонга соҳиллари яқинида вулқон уйғониши. ​​​​Tonga Geological Services/via REUTERS

Вулқон отилишидан кейин Тинч океани қирғоқларига баландлиги бир метрдан ошиқ тўлқинлар ёпирила бошлаган - тўлқинлар Япония, АҚШнинг ғарбий соҳиллари ҳамда Перугача етиб келган.

Японларнинг Himawari-8 сунъий йўлдоши орқали олинган тасвирда сув остидан вулқон уйғониши қанчалар катта кўламда бўлганини кўриш мумкин. National Institute of Information and Communications Technology (NICT)/via REUTERS
Янги Зеландия ҳарбий самолёти Тонгадаги Номука шаҳридаги ўсимлик дунёси қай аҳволга тушганини кўрсатди. 17 январ. New Zealand Defence Force/via REUTERS
Тонга пойтахти Нукуалофанинг вулқон кули ёпирилишидан кейинги кўриниши, сунъий йўлдош орқали олинган тасвир, 18 январ. ©2022 Maxar Technologies/via REUTERS

Тонгадаги вулқон туфайли нефть сизишидан Перу соҳиллари ифлосланди.

Фото: Cris Bouroncle / AFP
Канаданинг Ҳамилтон шаҳрида қор босган автотураргоҳни тозалаётган киши. REUTERS/Carlos Osorio
АҚШнинг Жанубий Каролина штатида кучли қорбўрон. Фото: Sean Rayford/Getty Images
Оҳайо штатининг Дайтон шаҳрида бўрон вақтида уйлар қор остида қолмоқда. REUTERS/Megan Jelinger
Чикагода Мичиган кўли муз билан қопланди. Фото: АР/ТАСС
Польшанинг Закопане шаҳрида дунёдаги энг йирик қорли лабиринт барпо этилди
Фото: Omar Marques/Anadolu Agency via Getty Images
Бразилияда кучли ёмғирлар оқибатлари. Фото: Pedro Vilela/Getty Images
Уругвайдаги кучли ёмғирлардан кейин юзага келган сув тошқинидан жабрланган уй, Монтевидео. REUTERS/Ana Ferreira
Араб коалициясининг Яман пойтахти Сано шаҳрига амалга оширган зарбалари оқибатида камида 23 киши ҳалок бўлди
2020 йилда Байрут портида рўй берган портлаш қурбонларининг яқинлари уюштирган намойиш вақтида Ливан байроғини тутиб турган эркак. REUTERS/Mohamed Azakir
Ҳиндистоннинг Нью-Дели шаҳрида Республика куни муносабати билан ўтказиладиган парад репетицияси вақтида. Фото: AP/ТАСС
Покистоннинг Пешавор шаҳридагилар учун кутилмаганда совуқ келган ноодатий қиш. Фото: EPA/Vostock-photo
Кобулнинг совуқ кўчасида тиланчилик қилиб ўтирган қизча йиғлаётган укасини юпатишга уринмоқда.
Ёмғирли кунда боласини пана қилиб турган фаластинлик, Хон Юнус, Ғазо сектори жануби. REUTERS/Ibraheem Abu Mustafa
Боливия ҳукумати мамлакатнинг энг чекка ҳудудларидаги аҳолини вакцина билан таъминлаш учун «Ҳаёт учун салиб юриши» дастурини бошлади
Фото: Radoslaw Czajkowski/picture alliance via Getty Images
Бангладешдаги ғишт заводи ишчилари. Фото: Zuma/ТАСС
Шимолий Корея Шарқий денгизга иккита номаълум баллистик ракета учирди. Фото: EPA/Vostock-photo
Отлиқ ҳар йили нишонланадиган Антоний куни арафасидаги Луминария байрами вақтида олов орасидан ўтмоқда. Мадриддан шимоли-ғарбдаги Сан-Бартоломе-де-Пинарес қишлоғи. REUTERS/Javier Barbancho
Шимолий қутб ёғдуси, Мурманск области. Фото: Лев Федосеев/ТАСС
Ой Буюк Британиянинг Ёркшир графлигидаги Уитби Аббей ибодатхонаси орқасида ботмоқда. Фото: REUTERS/Carl Recine
Хитойда ой тақвими бўйича Янги йилни нишонлашга тайёргарлик кўришмоқда. Фото: Yang Zhili/VCG via Getty Images
Top