«Barselona» klubi Per-Emerik Obameyang bilan shartnoma imzolanganini rasman ma’lum qildi.
Foto: Barselona FK
Gabonlik 32 yoshli forvard «Arsenal»dan erkin agent sifatida Kataloniya klubi safiga qo‘shildi. Obameyang va «Barselona» o‘rtasida 2025 yilga qadar kelishuv imzolangan. Shartnomada tovon puli miqdori – 100 million yevro ko‘rsatilgan.
Avvalroq, London klubi gabonlik hujumchi bilan bitimni o‘zaro bekor qilgani, Obameyang yarim mavsum kataloniyaliklar safida haftasiga 5 ming yevro maosh olishi haqida xabar qilingandi.
Ma’lumot uchun, Obameyang APL joriy mavsumida «kanonirlar» safida 14 o‘yinda maydonga tushib, 4ta gol va bitta assistga mualliflik qilgan.
