20:45 / 15.03.2022
13013
Украинани тарк этганлар сони уч миллиондан ошди
Heidi Levine / The Washington Post / Sipa Press / Scanpix / LETA

Украинада уруш бошланганидан буён мамлакатни уч миллиондан ортиқ киши тарк этган. Бу ҳақда 15 март куни Миграция бўйича халқаро ташкилот маълум қилди.

Уларнинг 1,4 миллиондан ортиғи — болалар.

Уларнинг кўп қисмини — 1,6 миллиондан ортиғини қўшни давлат Польша қабул қилган. Шунингдек, украинлар Руминия, Словакия, Венгрия, Молдова ва Германияга ҳам бормоқда.

БМТнинг қочқинлар масалалари бўйича Олий комиссари маълумотига кўра эса, Украинани тарк этганлар сони 2,97 миллион атрофида, шундан 157 мингдан ортиғи бошқа мамлакатлар фуқароларидир.

РФ мудофаа вазирлиги ҳарбий ҳаракатлар бошланганидан буён Россияга Донбасс ҳудудидан 248,9 минг киши ўтганини маълум қилганди.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top