O‘zbekiston fuqarolarni Ukrainadan olib chiqish uchun yana bir aviareys tashkil qildi

Tashqi ishlar vazirligi xabariga ko‘ra, 28 fevraldan 24 martga qadar 27 ta aviareys tashkillashtirildi hamda harbiy harakatlar kechayotgan hududlardan 6 030 nafar o‘zbekistonlik qaytarildi.

O‘zbekistonning Ukrainadagi elchixonasi (vaqtincha Lvov shahrida joylashgan) mamlakatning Polshadagi elchixonasi bilan birgalikda vatandoshlar bilan doimiy aloqada bo‘lib, ularni evakuatsiya qilish ishlarini muvofiqlashtirmoqda, deyiladi xabarda.

Bundan oldin Tashqi ishlar vazirligining «Dunyo» axborot agentligi O‘zbekiston fuqarolarini Ukrainadan evakuatsiya qilish jarayoni nihoyasiga yetganini ma’lum qilgandi.