O‘quvchilar va talabalar uchun “Zakovat stipendiyasi” beriladi

O‘quvchi-yoshlar va talabalar uchun “Zakovat stipendiyasi”ni berish tartibi tasdiqlandi. Unga ko‘ra, mazkur stipendiya intellektual o‘yinlarning respublika bosqichida:

1-o‘rinni olgan o‘quvchi-yoshlar va talabalarga BHMning 5 baravari miqdorida (hozirda 1 350 000 so‘m);

2-o‘rinni olgan o‘quvchi-yoshlar va talabalarga BHMning 4 baravari miqdorida (hozirda 1 080 000 so‘m);

3-o‘rinni olgan o‘quvchi-yoshlar va talabalarga BHMning 3 baravari miqdorida (hozirda 810 000 so‘m) belgilanadi va yil davomida har oy to‘lab beriladi.

Stipendiyalar Yoshlar ishlari agentligi orqali davlat budjetidan “Zakovat intellektual klubi”ga ajratilgan mablag‘lar hisobidan to‘lanadi.

Ushbu nizom talablari umumiy o‘rta ta’lim maktablari, prezident ta’lim muassasalari, o‘rta maxsus professional hamda oliy ta’lim muassasalarida faoliyat yuritayotgan Zakovat intellektual klublari doirasida o‘tkazilgan o‘yinlarning respublika bosqichida g‘olib bo‘lgan o‘quvchi va talabalarga nisbatan tatbiq etiladi.