O‘zbekistonga «inomarka»lar importi ikki baravarga oshdi 

Qo‘mita xabariga ko‘ra, 2022 yilning yanvar-iyun oylarida O‘zbekiston xorijiy davlatlardan qiymati 396 mln AQSh dollariga teng bo‘lgan 16 308 ta yengil avtomobil import qilgan. 

Yengil avtomobillar importi o‘tgan yilning mos davri bilan solishtirilganda 7 mingtaga yoki qariyb 2 baravarga oshgan.

Qo‘mitaga ko‘ra, 2022 yilning yanvar-iyun oylarida O‘zbekiston 24 ta xorijiy davlatlardan yengil avtomobillar import qilgan. 

6 oyda O‘zbekiston yengil avtomobillarni eng ko‘p import qilgan davlatlar: 

• Xitoy – 7265 ta;
• Koreya – 4510 ta;
• Qozog‘iston – 2896 ta;
• Rossiya – 1192 ta;
• AQSh – 180 ta;
• BAA – 84 ta;
• Yaponiya – 65 ta;
• Germaniya – 48 ta.