O‘zbekistonda xorijiy kapital ishtirokidagi korxonalarning aksariyati uch davlat hissasiga to‘g‘ri kelyapti

2022 yil 1 avgust holatiga ko‘ra, respublikada xorijiy kapital ishtirokida faoliyat ko‘rsatayotgan korxonalar soni 14 546 tani tashkil etib, o‘tgan yil shu davriga nisbatan 1 602 taga ko‘paydi.

Ular hududlar kesimidagi ko‘rinishi quyidagicha:

Toshkent shahri – 8 793 ta;
Toshkent viloyati – 1 556 ta;
Samarqand viloyati – 682 ta;
Surxondaryo viloyati – 600 ta;
Farg‘ona viloyati – 554 ta;
Andijon viloyati – 400 ta;
Buxoro viloyati – 378 ta;
Namangan viloyati – 306 ta;
Navoiy viloyati – 250 ta;
Qashqadaryo viloyati – 241 ta;
Jizzax viloyati – 212 ta;
Sirdaryo viloyati – 210 ta;
Xorazm viloyati – 185 ta;
Qoraqalpog‘iston Respublikasi – 179 ta.

O‘zbekiston bilan iqtisodiy hamkorlikda an’anaviy ravishda yetakchi bo‘lib kelayotgan davlatlar bu sohada ham ana shunday o‘rinlarni egallab kelmoqda: faoliyat ko‘rsatayotgan korxonalar aksariyati Rossiya (2705), Turkiya (2050), Xitoy (2036), Qozog‘iston (1182) va Janubiy Koreya (906) kapitali hissasiga to‘g‘ri keladi.