Kollej va texnikumlarda kontrakt summasi oshirilmaydigan bo‘ldi

2022/2023 o‘quv yili uchun kollej va texnikumlarning to‘lov-kontrakti miqdori o‘tgan yilda belgilanganidek saqlab qolinadigan bo‘ldi. Oliy va o‘rta maxsus ta’lim vazirligining xabar berishicha, bu tartib barcha bosqich o‘quvchilariga tegishli.  

 Ma’lumot uchun, bu yili kollej va texnikumlarning kunduzgi ta’lim shakliga 15 ming 815 nafar o‘quvchi davlat granti asosida qabul qilindi.

Shuningdek, professional ta’lim muassasalariga ota-ona qaramog‘idan mahrum bo‘lgan o‘quvchilar hamda ijtimoiy himoyaga muhtoj oila farzandlari belgilangan tartibda qabul parametrlaridan tashqari qo‘shimcha davlat granti asosida qabul qilinadi.