Airbus O‘zbekistonga kadrlar tayyorlash yo‘nalishida yordam berishi mumkin

O‘zbekiston-Fransiya biznes-forumida Airbus kompaniyasi vitse-prezidenti Vuter Van Versh ham ishtirok etdi.

Foto: Prezident matbuot xizmati

Uning so‘zlariga ko‘ra, Airbus'ning elita samolyotlari O‘zbekiston osmonida uchmoqda.

"Hamkorligimiz 1996 yilda boshlangan. Bugun loyihalarimiz muvaffaqiyatli amalga oshirilyapti. Biznesimizni yanada kengaytirish niyatidamiz.

Aprel oyida O‘zbekistonda bo‘lib, yangi loyihalarni gaplashib keldim. Biz uchun nafaqat samolyotlarni sotish, balki kadrlar tayyorlashga yordamlashish ham muhim. Transport institutida ham bo‘lib, almashinuv dasturlari haqida suhbatlashdim", dedi u.

Vuter Van Vershga ko‘ra, u O‘zbekiston prezidentining Fransiyaga tashrifini katta qiziqish bilan kutyapti. Bu ikki tomon uchun ham manfaatli bo‘lishi aytildi.