Eldor Shomurodov Italiyaning boshqa klubiga o‘tdi
«Roma»ning asosiy tarkibiga kira olmagan Shomurodov «Spetsiya»ga yarim mavsum uchun ijaraga berilgan. U yangi klubida ham 14-raqamda to‘p suradi.
![](https://storage.kun.uz/source/9/SwtRlseu1cJjfpWto3cWqlNOXG1aNGjx.jpg)
Foto: Getty Images
Italiyaning «Spetsiya» klubi «Roma»dan o‘zbekistonlik hujumchi Eldor Shomurodovni transfer qilgani haqida rasman e’lon qildi va uni A Seriyadan rasman ro‘yxatdan o‘tkazdi.
Mahalliy manbalarga ko‘ra, «Spetsiya» futbolchini mavsum oxirida sotib olish huquqisiz 1,5 million yevro evaziga ijaraga olgan.
O‘zbekistonlik futbolchi yangi klubida ham 14-raqam ostidagi futbolkada to‘p suradi.
Ma’lumot uchun, «Spetsiya» A Seriyada 18 ochko bilan 17-pog‘onada bormoqda va ligada eng kam gol urgan jamoalardan biridir. Shomurodov bu mavsum A Seriyada rimliklar safida 6 ta o‘yinda maydonga tushib, gol ura olmadi.
Avvalroq, Joze Mourino Shomurodov mavsum yakunida Rim klubiga qaytishi mumkinligi istisno etmagandi.
«Spetsiya» ayni vaqtda Italiya chempionatida 17-o‘rinda bormoqda. Jamoaning navbatdagi o‘yini 5 fevral, yakshanba kuni turnir peshqadami bo‘lib turgan «Napoli»ga qarshi kechadi.
Mavzuga oid
![](https://storage.kun.uz/source/thumbnails/_medium/10/jyd7kyuArFCDiTpAvAGkZe3ZXyxgqYOz_medium.jpg)
12:18 / 26.08.2024
Shomurodov gol urishni boshladi, «Chelsi» futbolchilari «quturdi». Yevropada kun o‘yinlari
![](https://storage.kun.uz/source/thumbnails/_medium/10/BwOb5tVT6HmVwDgbf5pTBkrj82O7s_Xx_medium.jpg)
14:30 / 13.08.2024
Shomurodov MLS klubiga o‘tishi mumkin. Muzokaralar boshlandi - Romano
![](https://storage.kun.uz/source/thumbnails/_medium/10/h_VXQVhoXzt11ziJMTXKZcsIEYeW7X2H_medium.jpg)
21:43 / 05.06.2024
Fayzullayev Shomurodovni ortda qoldirib, O‘zbekistonning eng qimmatbaho futbolchisiga aylandi
![](https://storage.kun.uz/source/thumbnails/_medium/10/XKF2TfuxIiKXQzrCtMo3M4NOAUAesWRf_medium.jpg)
18:51 / 03.06.2024