Belarusda jurnalistlarga yangi sud hukmlari chiqarildi
2021 yilda Moskvada hibsga olingan, «Komsomolskoy pravdy v Belarusi» gazetasi jurnalisti Gennadiy Mojyeyko uch yillik qamoq jazosiga hukm qilindi. ONT telekanalining sobiq jurnalisti Dmitriy Semchenkoga ham xuddi shunday muddat berildi.
![](https://storage.kun.uz/source/9/XvO_hQnbRfyG9qzG3iPENB0L3CIugkoK.jpg)
Gennadiy Mojyeyko / Foto: Sputnik
Belarusda jurnalistlarga nisbatan yangi sud hukmlari chiqarildi. Minsk shahar sudi «Komsomolskaya pravda v Belarusi» gazetasining sobiq xodimi Gennadiy Mojyeykoni 3 yilga ozodlikdan mahrum qildi, deb xabar bermoqda 23 mart, payshanba kuni BelTA davlat axborot agentligi. U mamlakat rahbari Aleksandr Lukashenkoni haqorat qilish, shuningdek, irqiy, milliy, diniy yoki boshqa ijtimoiy nafratni qo‘zg‘atishda aybdor deb topildi. U jazoni umumiy tartibli koloniyada o‘taydi.
Shu kuni Minsk sudi Belarusning ONT telekanali sobiq jurnalisti va prezidentlik pulining sobiq rahbari Dmitriy Semchenkoni uch yilga ozodlikdan mahrum qildi. «Ayblanuvchi boshqa ijtimoiy mansublik asosida qasddan ijtimoiy adovat va nifoq qo‘zg‘atishga qaratilgan harakatlarda aybdor deb topildi. U asosiy jazoni umumiy rejimli koloniyada o‘taydi», - deya xabar beradi BelTA.
Gennadiy Mojyeykoga nisbatan sud uning qisqacha posti tufayli o‘tkazildi, unda KGB zobitini otib tashlagan AT mutaxassisi Andrey Zelser haqida so‘z yuritilgan. Maqolada uning sinfdoshi u haqida gapirgan, material saytda bir necha daqiqa turgan. Gennadiy Mojyeyko 2021 yil kuzida Moskvaning Sheremetevo aeroportida Varshavaga uchib ketmoqchi bo‘lganida Rossiya maxsus xizmatlari tomonidan qo‘lga olingan edi. Hibsga olinganidan so‘ng u Minskka qaytishga majbur bo‘ldi, u yerda uni Belarus KGB xodimlari kutib olishdi. Mojyeykoga nisbatan nafrat uyg‘otish (Belarus Jinoyat kodeksining 130-moddasi) va hokimiyat vakilini haqorat qilish (Belarus Jinoyat kodeksining 369-moddasi) ayblovlari qo‘yilgan. Avvaliga Mojyeyko Minskning Okrestina ko‘chasidagi izolyatorga joylashtirildi, so‘ngra Jodino shahridagi tergov izolyatoriga o‘tkazildi.
21 mart kuni sudda Dmitriy Semchenko ishi bo‘yicha ish yuritish boshlandi. U o‘z aybini tan olmadi va «har doim muloqot tarafdori bo‘lgani va hech qachon zo‘ravonlikka chaqirmagani»ni ma’lum qildi. Ayblov materiallarida aytilishicha, jurnalist 2020-2022 yillarda «VKontakte» va Instagram ijtimoiy tarmoqlarida uch marta «jamiyatda huquqni muhofaza qilish organlari, harbiy xizmatchilar, shuningdek, davlat hokimiyati vakillariga nisbatan salbiy munosabatni shakllantirishga qaratilgan postlarni joylashtirgan». 2020 yilgi saylovlardan keyin jurnalist telekanalni tark etdi. 2022 yil sentabr oyida u hibsga olingan.
Mavzuga oid
![](https://storage.kun.uz/source/thumbnails/_medium/10/Q25ZL8CGe6x27x9UA6LrDHUUozNe1Pq0_medium.jpeg)
00:04 / 05.09.2024
Belarus tarixida ilk bor yapon josusi qo‘lga olindi
![](https://storage.kun.uz/source/thumbnails/_medium/10/mdMvJZwUcln4ELvnaLFSeFO5SpyYR2jf_medium.jpg)
15:37 / 04.09.2024
Lukashenko 2020 yilgi namoyishlarning 30 ishtirokchisini afv etdi
![](https://storage.kun.uz/source/thumbnails/_medium/10/VJcD2zd38Nor11Ih4O7jAHMng1pB8hB6_medium.jpg)
21:02 / 29.08.2024
Belarus o‘zining YouTube muqobilini taqdim etdi
![](https://storage.kun.uz/source/thumbnails/_medium/10/8wCIfPiLueh77tH43h7s3_0_h6lxk0_h_medium.jpg)
16:39 / 27.08.2024