Toshkentga “King Long” rusumli 10 ta “garmoshka” avtobus olib kelindi
Poytaxtga Xitoydan “Yutong” hamda “King Long” rusumli jami 62 ta avtobus olib kelindi. Hozirda mazkur transportlar magistral yo‘nalishlarda sinab ko‘rilmoqda.
![](https://storage.kun.uz/source/9/RVCTn0jNH6e1ZoV-FYD9PvWDHXn1P1s1.jpg)
Foto: Telegram / Ko dnu
“Toshshahartransxizmat” AJ matbuot xizmatining Kun.uzʼga ma’lum qilishicha, 26 mart kuni Toshkentga Xitoyning “Yutong Bus Co Ltd” kompaniyasi tomonidan ishlab chiqarilgan 52 ta 12 metrli avtobus olib kelindi. Qayd etilishicha, ularning 33 tasi elektrda, 19 tasi esa gazda harakatlanadi.
Shuningdek, xuddi shu kunning o‘zida “Xiamen King Long United Automotive Industry Co. Ltd” kompaniyasining tabiiy gazda ishlaydigan 10 ta 18 metrli “garmoshka” avtobusi ham keltirildi. Hozirda “garmoshka”lar magistral yo‘llarda sinab ko‘rilmoqda.
Ta’kidlanishicha, avtobuslar haqiqatan ham Toshkent ko‘chalarida bemalol harakatlansa, ularni yo‘nalishlarga taqsimlash boshlanadi. Ammo hozircha bu muddat ma’lum emas.
Eslatib o‘tamiz, bundan avvalroq 18 metrli 200 dona hamda 12 metrli 800 dona avtobus mart-aprel oylarida yetkazib berilishi aytilgandi. Martning oxirigacha 12 metrli avtobuslarning 160 tasi olib kelinishi e’lon qilingan.
Mavzuga oid
![](https://storage.kun.uz/source/thumbnails/_medium/10/o4J_SiGsB8a5um5vKfTTABuEV_3zKwlZ_medium.jpg)
21:59 / 04.09.2024
Toshkentda bir qancha ko‘chalar 3 kunga yopiladi
![](https://storage.kun.uz/source/thumbnails/_medium/10/FDwNSTgAX2093SDjraB4txyK6-sIsU4t_medium.jpeg)
20:16 / 04.09.2024
Toshkentda issiq suv vaqtincha o‘chiriladigan hududlar e’lon qilindi
![](https://storage.kun.uz/source/thumbnails/_medium/10/es-8phiktRflhcnsQFvvrGi7mAf16N7k_medium.jpg)
12:50 / 02.09.2024
Poytaxt jamoat transporti yangi o‘quv yiliga dosh beroladimi?
![](https://storage.kun.uz/source/thumbnails/_medium/10/KRHXpl5wz2fV9pOpyTl0L6bXTqJjWS3v_medium.jpg)
19:47 / 31.08.2024