08:44 / 15.06.2023
5413

Abdulla Aripov va Ma’ruf Amin qator sohalarda hamkorlikni kuchaytirishga kelishib oldi

Foto: Wapresri.go.id

Indoneziya vitse-prezidentining rasmiy veb-saytida «Indoneziya va O‘zbekiston ikki davlat o‘rtasidagi hamkorlikni mustahkamlashga kelishib oldi» sarlavhali maqola e’lon  qilindi, deb xabar bermoqda «Dunyo».

Nashrda Indoneziya vitse-prezidenti Ma’ruf Amin boshchiligidagi delegatsiyaning tashrifi doirasida O‘zbekiston bosh vaziri Abdulla Aripov bilan uchrashuvi tafsilotlari qalamga olingan.

Ma’lum qilinishicha, uchrashuv chog‘ida tomonlar ikki tomonlama  savdo-sanoat sohalaridagi hamkorlikni mustahkamlash, ikki davlat savdo-sanoat palatalari o‘rtasida, shuningdek, turizm va sog‘liqni saqlash sohalarida hamkorlikni kuchaytirishga kelishib olgan.

12 iyun kuni Indoneziya vitse-prezidenti Ma’ruf Amin besh kunlik tashrif bilan O‘zbekistonga keldi.

Mavzuga oid
Top