The Telegraph: AQSh fon der Lyayyenni NATO bosh kotibi sifatida ko‘ryapti

AQSh prezidenti Jo Bayden Yyens Stoltenberg o‘rniga NATO bosh kotibi lavozimiga Yevrokomissiya rahbari Ursula fon der Lyayyen nomzodini ilgari surmoqda, deb yozadi 4 iyul, seshanba kuni The Telegraph nashri NATO doiralaridagi ismi oshkor etilmagan suhbatdoshiga tayanib. 

Avvalroq, ko‘pchilik Stoltenbergning potensial vorisi deb hisoblangan Britaniya mudofaa vaziri Ben Uolles Qo‘shma Shtatlar NATOning amaldagi bosh kotibi vakolatlarini kengaytirish istagi haqidagi xabarlar fonida bergan intervyusida bu lavozimni egallashi imkonini kam deb aytgan edi. 64 yoshli Yyens Stoltenbergning mandati 4 iyul kuni 2024 yilning 1 oktyabrigacha uzaytirildi. 

NATOga a’zo davlatlar yetakchilari joriy yilning 11-12 iyul kunlari Vilnyusda bo‘lib o‘tadigan sammitda tashkilotning yangi bosh kotibi nomzodi bo‘yicha kelishib olinishini kutgan, biroq o‘rinbosarni tanlay olmagan, deb yozadi The Telegraph. 

The Telegraph yozishicha, agar 2024 yilda alyans navbatdagi bosh kotib nomzodi masalasida hech qanday olg‘a siljimagani aniqlansa, NATO «muammolar» yuzaga kelishidan tashvishlanyapti. Shu bilan birga, Bayden va fon der Lyayyen so‘nggi yillarda Xitoy, Ukraina va iqlimni muhofaza qilish bo‘yicha transatlantik siyosat nuqtayi nazaridan «kuchli ittifoq» tuzdi, deydi manba. 

Shu bilan birga, ilgari Germaniya Mudofaa vazirligi rahbari bo‘lgan fon der Lyayyen endi Rossiyaning Ukrainaga bostirib kirishi xavfini noto‘g‘ri baholagan Yevropa razvedka agentliklaridan ko‘ra Amerika razvedka ma’lumotlariga ko‘proq tayanishi aytiladi.