Milliy gvardiya harbiy xizmatchilari Chilonzor tumanida joylashgan ko‘ngilochar bog‘ hududida patrullik qilish chog‘ida chekayotgan erkakni payqab qolgan.
Foto: milliygvardiya
MG xabariga ko‘ra, harbiy xizmatchilarning chekish uchun mo‘ljallanmagan jamoat joylarida chekishni taqiqlash haqidagi ogohlantirishiga erkak hech qanday munosabat bildirmagan. Shu bilan birga, tutun hidi o‘ziga xos bo‘lgan.
Milliy gvardiya harbiy xizmatchilari xolislar ishtirokida tintuv o‘tkazish chog‘ida erkakdan kichik qog‘oz o‘ramini topib, uning ichida o‘ziga xos hidga ega yashil rangli kukunli modda borligini aniqlagan.
Erkak qo‘lga olingan va eng yaqin ichki ishlar bo‘limiga olib kelinib, shaxsi aniqlanganda 39 yoshli Ya.A. ekani ma’lum bo‘lgan.
Hozirda ichki ishlar organlari tomonidan tergovga qadar tekshiruv o‘tkazilmoqda.
