Qashqadaryo viloyati hokimi «Nasaf» klubiga yangi avtobus kalitini topshirdi

Klub matbuot xizmati xabariga ko‘ra, Qashqadaryo viloyati hokimi Murodjon Azimov jamoa qarorgohida bo‘lib, «Nasaf» futbolchilari bilan uchrashgan va yangi avtobus kalitini bosh murabbiy Ro‘ziqul Berdiyevga topshirgan.

«Nasaf» futbol klubi qarorgohiga Qashqadaryo viloyati hokimi Murodjon Azimov boshchiligida viloyat sektor rahbarlari, bosh homiy «Sho‘rtan gaz-kimyo majmuasi» direktori, klubimiz prezidenti Shuhrat Aslanov va viloyat oqsoqollari yig‘ilishdi. Jamoa bilan uchrashuv davomida Murodjon Azimov muhim bellashuvlardan oldin jamoamizga omad tiladi va Ro‘ziqul Berdiyevga jamoa uchun hozirlab qo‘yilgan zamonaviy avtobusning kalitini topshirdi», - deyiladi klub xabarida. 

Qarshi jamoasiga Germaniyaning «MAN» kompaniyasiga tegishli zamonaviy avtobus sovg‘a qilinib, unda klub ramziga aylantirilgan humo qo‘shi tasvirlangan. 

Jamoaning avvalgi avtobusi «Higer» kompaniyasiga tegishli bo‘lib, unda jamoaning eski ramzi «ajdar» tasvirlangan edi.