Jizzaxda bo‘lib o‘tadigan Superkubok o‘yini uchun chiptalar sotilmoqda

So‘nggi yillarda mamlakat chempionligi uchun jiddiy kurash olib borayotgan «Paxtakor» va «Nasaf» klublari Superkubok uchun maydonga chiqadi.

O‘yin soat 19:30 da boshlanadi. Taqdirlash marosimi ham stadionning o‘zida bo‘lib o‘tadi. 

Bellashuv chiptalari stadion kassalarida va Iticket.uz  sayti orqali sotilmoqda. Jizzax Qarshi va Toshkent shaharlari o‘rtasida joylashgani inobatga olinsa, «So‘g‘diyona» stadioni keyingi yillar ichida ilk bor muxlislar bilan to‘lishi kutilmoqda.

Eslatib o‘tamiz, «Paxtakor» o‘tgan mavsum Superliga chempioni bo‘lgandi, «Nasaf» esa O‘zbekiston kubogini qo‘lga kiritgan.