G‘azodagi hukumat: Isroil 1500 dan ortiq odam boshpana topgan ikkita markazga zarba berish bilan tahdid qildi

Isroil armiyasi 1500 dan ortiq odam boshpana topgan pravoslav madaniyat markazi va yunon maktabiga zarba berish bilan tahdid qildi.

Bu haqda G‘azodagi Falastin hukumatining matbuot xizmati Telegram’da xabar berdi.

Qayd etilishicha, 1000 kishi Isroil hujumlari vaqtida pravoslav madaniyat markazida, 500 dan ortiq kishi yunon maktabida boshpana topgan.

Boshqa bir bayonotda Isroilning kasalxonalarni bombardimon qilish bilan bog‘liq to‘g‘ridan to‘g‘ri tahdidlari oqibatlari va bu muassasalarni evakuatsiya qilish talablari haqida ogohlantirildi. 

Bayonotda, Isroilning shifoxonalar atrofidagi hududlarni bombardimon qilishda davom etishi va ularga to‘g‘ridan to‘g‘ri hujum qilish tahdidi urush jinoyati ekani ta’kidlandi.