Ukraina prezidenti Volodimir Zelenskiy Ukraina qurolli kuchlari bosh qo‘mondoni Valeriy Zalujniyning Economist jurnalidagi frontdagi vaziyat boshi berk ko‘chaga kirib qolgani haqidagi maqolasiga munosabat bildirdi. Zelenskiyning so‘zlariga ko‘ra, vaziyatni turg‘unlik deb ta’riflash noo‘rin.
«Bu umidsiz vaziyat emas, — degan prezident Kiyevda Yevrokomissiya rahbari Ursula fon del Lyayyen bilan matbuot anjumanida. — Rossiya osmonni nazorat qilmoqda. Biz o‘z harbiylarimiz hayotini asrayapmiz. Biz Rossiya kabi o‘z odamlarimizni «yem bo‘lish» uchun shunchaki oldinga tashlamoqchi emasmiz»
Zelenskiy vaziyatni, jumladan G‘arb davlatlari Ukrainaga berishga rozi bo‘lgan F-16 qiruvchi samolyotlari yordamida o‘zgartirish mumkinligini ta’kidlagan.
«Buni qanday yengish mumkin? F-16 samolyotlari bo‘yicha yechim bor. Endi yigitlarimiz uni boshqarishni o‘rganishini, keyin qaytib kelishini kutishimiz kerak. Frontda havo hujumidan mudofaa tizimi mavjud bo‘lganda, harbiylar oldinga o‘tadi va texnikadan foydalanadi. Bu uzoq jarayon, tezkor yechimlar ham bor, lekin ular qanaydir kosmik, texnologik emas», — dedi Ukraina prezidenti.
Zalujniy esa Economist uchun maqolasida F-16 samolyotlari ayni vaqtda frontda muvaffaqiyatni ta’minlay olmasligi, ukrain harbiylarining oldinga yurishiga minalangan maydonlar hamda texnikalar yetkazib berilishi sekin kechayotgani to‘sqinlik qilayotganini ta’kidlagandi.
Zalujniy yozdagi qarshi hujum davomida ukrain qo‘shini atigi 17 kilometrga yura olganini keltirgandi.
Zelenskiy esa o‘tgan yili ham Ukraina umidsiz vaziyatga tushib qolgani haqida gaplar bo‘lganini eslatgan. «Bir nechta harbiy hiyla va Xarkiv oblasti ozod qilindi, buni esga olishingiz mumkin», — degan prezident.
«Taslim bo‘lishga haqqimiz yo‘q. Muqobili nima? — deya savol qo‘yadi Zelenskiy. — Davlatimizning uchdan bir qismini berishimiz kerakmi? Axir bu faqat boshlanishi bo‘ladi-ku. Biz «muzlatilgan» mojaro nima ekanini bilamiz, allaqachon o‘zimiz uchun xulosalar chiqarganmiz».
U g‘arblik hamkorlar bilan «havo hujumidan mudofaa bo‘yicha ko‘proq ishlash, osmonni to‘sish», shuningdek «jangchilarga hujum operatsiyalarini amalga oshirish imkoniyatini berish»ga chaqirgan.
Avvalroq Zelenskiy Time jurnalida shov-shuvli maqola chiqargan jurnalist Saymon Shusterga bergan intervyusida Ukraina g‘alabasiga «u kabi ishonuvchi boshqa hech kim yo‘qligi»ni
