15:57 / 20.11.2023
6068

Avstriya Lavrov YeXHT yig‘ilishiga taklif etilishi mumkinligini ma’lum qildi

Aleksandr Shallenberg tashqi siyosatda pragmatizmni yoqlab, Rossiya TIV rahbari bilan uchrashishga tayyorligini bildirdi. 

Foto: TASS

Avstriya tashqi ishlar vaziri Aleksandr Shallenberg Rossiya tashqi ishlar vaziri Sergey Lavrov Skopeda bo‘lib o‘tadigan Yevropada xavfsizlik va hamkorlik tashkiloti (YeXHT) vazirlar kengashi yig‘ilishiga taklif etilishi mumkinligini istisno etmadi. 18 noyabr kuni chop etilgan Avstriyaning Die Presse gazetasiga bergan intervyusida u Lavrovning Shimoliy Makedoniya poytaxtidagi uchrashuvga taklif etilishini to‘g‘ri deb atadi

Shallenberg Lavrov bilan muzokaralar olib borishga tayyorligini bildirgan va Yevropani tashqi siyosatga pragmatik va hushyor yondashishga chaqirgan. Avstriya tashqi ishlar vaziri, shuningdek, Ukrainaning Yevropa Ittifoqiga bosqichma-bosqich integratsiyalashuvini qo‘llab-quvvatlashini ma’lum qildi. 

30 noyabr-1 dekabr kunlari tashkilotga raislik qilayotgan Shimoliy Makedoniya poytaxtida YeXHTning 57 davlati tashqi ishlar vazirlarining yig‘ilishi bo‘lib o‘tadi. 

Mavzuga oid
Top