Belarusda mamlakat qurolli kuchlari Bosh shtabiga yangi boshliq tayinlandi
General-mayor Pavel Muraveyko Belarus Qurolli kuchlari Bosh shtabining yangi boshlig‘i bo‘ldi. Dekabr oyida u Yevropa Ittifoqining sanksiyalar ro‘yxatiga kiritilgan edi.
![](https://storage.kun.uz/source/10/d8PgkdYop9MTqK4XfFlF1asYYJB2FpPK.jpg)
Foto: AP
Belarus rahbari Aleksandr Lukashenko 23 may, payshanba kuni mamlakat qurolli kuchlari Bosh shtabi boshlig‘ini tayinladi. Bu lavozimni general-mayor Pavel Muraveyko egalladi, u hozirgacha Belarus Xavfsizlik kengashi davlat kotibining birinchi o‘rinbosari sifatida ishlab kelgan.
Muraveiko 52 yoshda. Minsk oliy harbiy-siyosiy maktabini va Rossiya Bosh shtabining Harbiy akademiyasini tamomlagan. U motoo‘qchilar qo‘shinlarida xizmat qilgan. 2013 yildan 2020 yilgacha Bosh shtab Bosh operatsion boshqarmasi boshlig‘i lavozimida ishlagan. Belarus Bosh shtabining avvalgi rahbari Viktor Gulevich 10 may kuni ishdan bo‘shatildi. Rasmiy sabab - uning xizmat o‘tashning maksimum yoshiga yetgani. Gulevich 55 yoshda.
Lukashenko Muraveykoni yangi lavozimga tayinlab, uni «atrofda sodir bo‘layotgan hamma narsani o‘rganish orqali» qurolli kuchlarni rivojlantirishga chaqirdi va urushni jiddiy saboq sifatida qabul qilishni taklif qildi. «Biz zamonaviy urush qanday ekanligini ko‘rishimiz, o‘zimiz uchun ma’lum xulosalar chiqarishimiz kerak», dedi u va gap mina maydonlari, uchuvchisiz uchoqlar, elektron urush va batareyalarga qarshi urush haqida ketayotganiga aniqlik kiritdi.
YeI sanksiyalar ro‘yxatidagi shaxs
2023 yil dekabrida Pavel Muraveyko Yevropa Ittifoqining sanksiyalar ro‘yxatiga kiritilgan edi. Bunga Muraveyko Belarus Litva orqali tovarlarni tranzit qilish uchun «qurol kuchi bilan koridorni kesish» huquqiga ega ekanligini e’lon qilganidan so‘ng yuzaga kelgan janjal sabab bo‘ldi. Muraveyko shundan so‘ng, Litva «chegaradan o‘tkazishni haqiqatda taqiqlaganini» va bunday qadam «iqtisodiy tajovuzga ishora qilishi», shuning uchun Minsk tegishli javob berishi mumkinligini aytdi. Litva Tashqi ishlar vazirligi Belarusning muvaqqat ishlar vakiliga norozilik bildirdi va Muraveykoning o‘ziga nisbatan Yevropa Ittifoqi sanksiyalari joriy etildi.
Mavzuga oid
![](https://storage.kun.uz/source/thumbnails/_medium/10/Q25ZL8CGe6x27x9UA6LrDHUUozNe1Pq0_medium.jpeg)
00:04 / 05.09.2024
Belarus tarixida ilk bor yapon josusi qo‘lga olindi
![](https://storage.kun.uz/source/thumbnails/_medium/10/mdMvJZwUcln4ELvnaLFSeFO5SpyYR2jf_medium.jpg)
15:37 / 04.09.2024
Lukashenko 2020 yilgi namoyishlarning 30 ishtirokchisini afv etdi
![](https://storage.kun.uz/source/thumbnails/_medium/10/VJcD2zd38Nor11Ih4O7jAHMng1pB8hB6_medium.jpg)
21:02 / 29.08.2024
Belarus o‘zining YouTube muqobilini taqdim etdi
![](https://storage.kun.uz/source/thumbnails/_medium/10/8wCIfPiLueh77tH43h7s3_0_h6lxk0_h_medium.jpg)
16:39 / 27.08.2024