2024 yilda 12 mingdan ortiq o‘quvchi maktabni oltin medal bilan tamomladi

25 may kuni 3 milliondan ortiq o‘quvchi, ota-onalar, mahalla faollari, keksalar va boshqa jamoatchilik vakillari ishtirokida «Ilm-saodat kaliti!» shiori ostida «So‘nggi qo‘ng‘iroq» tadbirlari o‘tkazildi.

Qayd qilinishicha, tadbirda namunali xulqli va a’lo baholarga o‘qigan iqtidorli o‘quvchilar rag‘batlantirildi. Shuningdek, «Eng faol ota», «Jonkuyar ona», «Mas’uliyatli ota-ona» kabi nominatsiyalar bo‘yicha ota-onalar taqdirlandi.

Ma’lumotga ko‘ra, 2023-2024 o‘quv yilida umumiy o‘rta ta’lim maktablarini 12620 nafar o‘quvchi oltin, 2158 nafari kumush medal bilan tamomladi. 25 ming 259 nafar o‘quvchiga a’lo darajali shahodatnoma berildi.