O‘zbekiston milliy jamoasining Turkmaniston va Eronga qarshi tarkibi e’lon qilindi

Milliy jamoa bosh murabbiyi Srechko Katanets Turkmaniston va Eronga o‘yinlar uchun tarkibni e’lon qildi. 6 iyun kuni Turkmaniston milliy jamoasi Toshkentda mehmon bo‘lsa, 11 iyun kuni milliy jamoamiz Tehronda Eron mehmoni bo‘ladi.

E guruhida Eron va O‘zbekiston 10 ochkodan to‘plab, hal qiluvchi 3-bosqich yo‘llanmasini qo‘lga kiritishga ulgurgan bo‘lsa-da, bu bahslarda guruhdagi birinchi o‘rin masalasi hal qilinadi. Turkmaniston va Hongkong keyingi bosqichga chiqish imkoniyatini yo‘qotib bo‘lgan.

Katanets milliy jamoaning 2-saralashdagi so‘nggi ikki uchrashuviga kutilgan barcha legionerlarni jalb etgan. Xususan, Yevropada mavsum yakuniga yetgach, Eldor Shomurodov, Abduqodir Husanov, Abbosbek Fayzullayev, shuningdek, Eron chempionatida to‘p surayotgan Jaloliddin Masharipov, Oston O‘runov va yana bir qator boshqa legionerlar ham tarkibdan o‘rin olgan.

Bosh murabbiy Srechko Katanets tomonidan mazkur yig‘inga jalb etilgan futbolchilarning to‘liq ro‘yxati bilan tanishing:

Darvozabonlar: O‘tkir Yusupov («Navbahor»), Abduvohid Ne’matov («Nasaf»), Botirali Ergashev («Neftchi»);

Himoyachilar: Umar Eshmurodov («Selangor» Malayziya), Rustam Ashurmatov («Rubin», Rossiya), Husniddin Aliqulov («Rizespor», Turkiya), Abduqodir Husanov («Lans», Fransiya), Farrux Sayfiyev («Navbahor»), Muhammadqodir Hamraliyev («Paxtakor»), Sherzod Nasrullayev («Nasaf»), Abdulla Abdullayev («Xor Fakkan», BAA);

Yarimhimoyachilar: Otabek Shukurov («Kayserispor», Turkiya), Hojimat Erkinov («Al-Vahda», BAA), Jamshid Iskanderov («Navbahor»), Abbosbek Fayzullayev (TsSKA), Diyor Xolmatov («Paxtakor»), Odil Hamrobekov («Navbahor»), Azizbek Turg‘unboyev («Sivasspor», Turkiya), Oston O‘runov («Persepolis», Eron), Jaloliddin Masharipov («Istiqlol», Eron), Abdurauf Bo‘riyev («Olimpik»);

Hujumchilar: Eldor Shomurodov («Kalyari», Italiya), Azizbek Amonov («Xor Fakkan», BAA).

Ye guruhidagi vaziyat bilan tanishing: