Toshkent shahri hokimining turizm bo‘yicha o‘rinbosari ishdan olindi
Prezident turizm bo‘yicha tashabbuslar bilan chiqmayotgan Toshkent shahri hokimligini tanqid qildi. Hokimning turizm sohasiga mas’ul o‘rinbosari, bu lavozimda 3 yildan buyon ishlab kelayotgan Faxriddin Davrukov lavozimidan ozod etildi. Bosh vazirga turizm bo‘yicha har bir hokim o‘rinbosari ishiga baho berish topshirildi.
![](https://storage.kun.uz/source/10/LLykkp4NIfScBJNBG6KmxyTuHoFDZPAx.jpg)
Foto: Toshkent shahar hokimligi
Toshkent shahri hokimining turizm masalalari bo‘yicha o‘rinbosari Faxriddin Davrukov lavozimidan ozod etildi. Bu haqda turizm sohasi bo‘yicha prezident o‘tkazayotgan yig‘ilishda ma’lum qilindi.
“Oxirgi yillarda poytaxtda Toshkent siti, Toshkent moll, Magic City kabi turizm maskanlari barpo etildi. Bu majmualarga yiliga 4 milliondan ziyod odam tashrif buyuryapti, ularning 35 foizidan ko‘pi xorijiy turistlar.
Lekin poytaxt hokimligi o‘z tashabbusi bilan yangi takliflar bilan chiqmayotgani tanqid qilindi.
Shu bois Toshkent shahri hokimining turizm masalalari bo‘yicha o‘rinbosari F.Davrukov lavozimidan ozod etildi. Bosh vazirga turizm bo‘yicha har bir hokim o‘rinbosari ishiga baho berish topshirildi”, – deyiladi prezident matbuot xizmati xabarida.
Faxriddin Davrukov lavozimga 2021 yil aprel oyida tayinlangan edi. Bungacha u turizm qo‘mitasi raisi o‘rinbosari bo‘lib ishlagandi.
Mavzuga oid
![](https://storage.kun.uz/source/thumbnails/_medium/10/o4J_SiGsB8a5um5vKfTTABuEV_3zKwlZ_medium.jpg)
21:59 / 04.09.2024
Toshkentda bir qancha ko‘chalar 3 kunga yopiladi
![](https://storage.kun.uz/source/thumbnails/_medium/10/FDwNSTgAX2093SDjraB4txyK6-sIsU4t_medium.jpeg)
20:16 / 04.09.2024
Toshkentda issiq suv vaqtincha o‘chiriladigan hududlar e’lon qilindi
![](https://storage.kun.uz/source/thumbnails/_medium/10/es-8phiktRflhcnsQFvvrGi7mAf16N7k_medium.jpg)
12:50 / 02.09.2024
Poytaxt jamoat transporti yangi o‘quv yiliga dosh beroladimi?
![](https://storage.kun.uz/source/thumbnails/_medium/10/KRHXpl5wz2fV9pOpyTl0L6bXTqJjWS3v_medium.jpg)
19:47 / 31.08.2024