Shimoliy Osetiyaga birinchi marta dronlar hujum qildi
Shimoliy Osetiya rasmiylariga ko‘ra, dronlar Ukraina yo‘nalishidan kelgan. Dronlarning nishoni Mozdokdagi harbiy aerodrom bo‘lgan.
![](https://storage.kun.uz/source/10/CuMDOUH_T3kpsRKbxTiqv605e5zB_d16.jpg)
Foto: AP
8 iyun, shanba kuni ertalab Rossiya havo hujumidan mudofaa kuchlari Shimoliy Osetiya hududi uzra «Ukraina uchuvchisiz uchish apparatlari»ni urib tushirdi, deb xabar qildi Rossiya Mudofaa vazirligi hech qanday qo‘shimcha ma’lumot bermasdan.
O‘z navbatida, Shimoliy Osetiya rahbari Sergey Menyaylo Mozdokda uchta dron urib tushirilganini aytdi. Menyayloning so‘zlariga ko‘ra, dronlar «Ukraina tomondan kelgan» va ularning nishoni harbiy aerodrom bo‘lgan. Qurbonlar va vayronalar yo‘q, deya ta’kidladi u.
Avvalroq Rossiya Mudofaa vazirligi jangovar zonadan ancha uzoqda joylashgan Shimoliy Osetiyada dronlarning yo‘q qilingani haqida xabar bermagan edi. Shu tariqa, Shimoliy Osetiya va Ukrainaning Zaporijjya shahri to‘g‘ri chiziqda taxminan 900 kilometrlik masofaga ega.
Ochiq ma’lumotlarga ko‘ra, Mozdokdagi harbiy aerodromda 485-alohida vertolyot polki joylashgan. Ukraina ommaviy axborot vositalarining ta’kidlashicha, o‘tgan bahorda Rossiya ushbu aerodromdan strategik samolyotlarni qabul qilish va uchirish uchun foydalana boshlagan. 2024 yil 22 aprel holatiga ko‘ra, xususan, oltita Tu-22M3 strategik bombardimonchi samolyoti, to‘rtta Su-24M/MR samolyoti (Su-24M - bombardimonchi, Su-24MR - razvedkachi) va 20 ga yaqin har xil turdagi vertolyotlar mavjud edi.
Ukraina dronlarining hujumlari
Aprel oyi boshida Ukraina dronlari Rossiyaning Ukrainaga qarshi urushi boshlanganidan beri birinchi marta Tataristondagi korxonalarga hujum qildi. Xususan, Ukraina bilan chegaradan taxminan 1300 kilometr uzoqlikda joylashgan «Alabuga» maxsus iqtisodiy zonasi hujumga uchradi.
Bungacha Ukraina dronlarining eng uzoq masofadagi zarbasi joriy yilning yanvar oyida Peterburg neft terminaliga qilingan hujum deb hisoblangan - o‘shanda dron Ukraina bilan chegaradan taxminan 900 kilometr uzoqlikka uchib borgan.
Mavzuga oid
![](https://storage.kun.uz/source/thumbnails/_medium/10/CdAhC2-YxeK3-BsmZcI4FIJLaq0W7HID_medium.jpg)
10:24 / 05.09.2024
Novorossiyskka dengiz dronlari hujum qildi
![](https://storage.kun.uz/source/thumbnails/_medium/10/fdN60JEQRE5zFW1vOWYYGg0gZstHSy_T_medium.jpg)
13:24 / 01.09.2024
Rossiya regionlari bo‘ylab 150 dan ortiq dron hujum qildi. Asosiy ma’lumotlar
![](https://storage.kun.uz/source/thumbnails/_medium/10/EAzrJ0NffpFBIeSXPaOZyXO5D6DnAEnG_medium.jpg)
08:04 / 26.08.2024
Kim Chen In kamikadze-dronlar ishlab chiqarishni ko‘paytirishni talab qildi
![](https://storage.kun.uz/source/thumbnails/_medium/10/PX9_5tbL1X7ndY5vuI7Aw1bkWDaGBM9k_medium.jpg)
14:26 / 23.08.2024