Rossiyaga borayotgan o‘zbekistonliklardan xavfsizlik choralarini ko‘rish so‘raldi
Jumladan, mamlakat hududiga kirish uchun taqiq bor yoki yo‘qligini tekshirib, shundan so‘ng Rossiyaga borish tavsiya etildi.
O‘zbekiston Tashqi mehnat migratsiyasi agentligi Rossiyaga borayotgan vatandoshlarni xavfsizlik choralarini ko‘rishga chaqirdi.
Qayd qilinishicha, so‘nggi kunlarda Rossiya aeroportlarida xorijliklarning hujjatlarini bir necha soatlab tekshirish holatlari kuzatilgan.
«Bu o‘z navbatida bir qator muammolarni yuzaga keltirayotgani bo‘yicha murojaatlar kelib tushmoqda», deyiladi xabarda. Muammolar mazmuniga aniqlik kiritilmagan.
Agentlik «Rossiya bo‘ylab xavfsizlik choralarining kuchaytirilgani» munosabati bilan, ushbu davlatga borayotgan, mamlakat hududida bo‘lib turgan yoki mamlakatdan chiqib ketayotgan yurtdoshlardan xavfsizlik choralari talablarini inobatga olgan holda harakatlanishni so‘ramoqda.
Shuningdek, Rossiya Ichki ishlar vazirligi veb-sayti orqali mamlakat hududiga kirish uchun taqiq bor yoki yo‘qligini tekshirib, shundan so‘ng Rossiyaga borish tavsiya etilmoqda.
Mavzuga oid
09:00
Turkiyada qo‘lga olingan shaxs O‘zbekistonga deportatsiya qilindi
08:40
Rossiyada qiyin vaziyatga tushib qolgan bola O‘zbekistonga olib kelindi
22:25 / 12.09.2024
Rossiyaga yuqori aniqlikdagi G‘arb qurollari bilan zarba berish NATO urushda bevosita ishtirok etishini anglatadi – Putin
22:21 / 12.09.2024