FIFA reytingi. O‘zbekiston futzal milliy jamoasi JCh-2024dan keyin 10 pog‘ona pastladi

Unga ko‘ra, O‘zbekiston milliy jamoasi 10 pog‘ona pastladi. Xose Venansio Lopes boshqaruvida mamlakatimiz mezbonligida o‘tgan JCh-2024da guruhda qolib ketib, muvaffaqiyatsizlikka uchragan futzalchilarimiz 11-o‘rindan 21-o‘ringa «sho‘ng‘ishdi». Top-30likda hech bir jamoa bu daraja katta pasayishga uchramagan.

Shunga qaramay, O‘zbekiston futzal jamoasi Osiyoda Eron (6-o‘rin), Tailand (11) va Yaponiyadan (13) keyingi 4-o‘rinda bormoqda.

Chempionlikka erishgan Braziliya 1-o‘rinda bo‘lsa, Portugaliya va Argentina uchlikdan joy olgan. Ispaniyada bir pog‘onaga pastlab 4-o‘ringa tushgan bo‘lsa, qo‘shni Qozog‘iston milliy jamoasi 3 o‘ringa yuqorilab, reytingda beshlikdan joy oldi.

FIFA reytingi. Oktyabr. Futzal.

1. Braziliya

2. Portugaliya

3. Argentina

4. Ispaniya

5. Qozog‘iston

6. Eron

7. Marokash

8. Rossiya

9. Ukraina

10. Fransiya

..21. O‘zbekiston.

Eslatib o‘tamiz, O‘zbekiston JCh-2024 A guruhida Niderlandiya bilan durang qayd etib, Paragvay va Kosta-Rikaga mag‘lub bo‘ldi va guruhda so‘nggi o‘rinni egallagandi.