JCh-2026 saralashi. O‘zbekiston 10 kishi qolgan BAAni penaltidan kiritilgan gol evaziga mag‘lub etdi

Toshkentda 30 mingdan ortiq tomoshabin qarshisida o‘tgan uchrashuvning birinchi bo‘limida hisob ochilmagan bo‘lsa, 66-daqiqada mehmonlar vakili Abdulla Hamad maydondan chetlatildi. Shundan so‘ng maydon egalarining hujumlari xavfli ko‘rinish ola boshladi. 70-daqiqada Bobur Abduxoliqov zaxiradan maydonga tushgach, penalti ishladi. 11 metrlik nuqtaga dastlab Masharipov yaqinlashgan bo‘lsa, yakunda zarbani Otabek Shukurov yo‘llab, stadionni larzaga keltirdi – 1:0.

Yakunda ushbu natija o‘zgarmadi va bosh murabbiy Srechko Katanetssiz to‘p surgan O‘zbekiston milliy jamoasi muhim g‘alabaga erishdi. Bu BAA ustidan Toshkentda qo‘lga kiritilgan ilk g‘alabaga aylandi.

Shu tariqa, O‘zbekiston 10 ochko bilan guruhda yaqqol peshqadamga aylanib oldi. Vakillarimiz 5-turda 14 noyabr kuni Qatar mehmoni bo‘ladi. Bugun guruhdagi yana bir o‘yinda Eron Dubayda Qatarni qabul qiladi.

JCh-2026 saralashi. 4-tur

O‘zbekiston – BAA – 1:0
Hakam: Ma Ning (Xitoy)
Gol: Otabek Shukurov, 76 penaltidan.

O‘zbekiston: 1.O‘tkir Yusupov, 2.Abduqodir Husanov, 18.Abdulla Abdullayev (17. Bobur Abduxoliqov, 70), 23.Husniddin Aliqulov, 13.Sherzod Nasrullayev, 19.Azizbek Turg‘unboyev (3. Hojiakbar Alijonov, 60), 7.Otabek Shukurov, 9.Odil Hamrobekov, 10.Jaloliddin Masharipov, 22.Abbosbek Fayzullayev (20. Hojimat Erkinov, 89), 14.Eldor Shomurodov

BAA: 17. Holid Eysa, 2. Abdulla Idris, 8. Taxnun Hamdam, 9. Harib Abdulla, 10. Yahyo Ali, 11.  Kayo Kanedo, 12. Xalifa Muborak, 13. Muhammad Umar, 14. Abdulla Hamad, 16. Markus Vinisius, 19. Xolid Ibrohim

Zaxira: 1. Al Hasif Al Husayni, 3. Zayid Sulton, 4. Xolid Al Xoshmi, 5. Ali Hassan, 7. Ali Solih, 18. Jyeyms Makkenzi, 20. Fahad Bader, 21. Issam Faiz, 22. Xolid Tavxid, 23. Bruno Oliveyra

Chetlatish: Abdulla Hamad, 66 (BAA).