Bitcoin 100 ming dollarlik marraga yaqinlashdi, oltin ham qimmatlashdi – xalqaro moliya bozori sharhi

Noyabr oyining navbatdagi haftasidagi muhim voqealar ro‘yxatidan Filadelfiya Fed ishlab chiqarish indeksi va mavjud uy sotuvlari ma’lumotlari o‘rin egalladi. Hududlardagi ishlab chiqarish sektorining holatini aks ettiradigan Filadelfiya Fed ishlab chiqarish indeksi ma’lumotlariga ko‘ra ahvol keskin yomonlashgan. Chunki avvalgi oyning 10,3 punktli natijasi va kutilayotgan 7,4 punkt ko‘rsatkichiga nisbatan, real natija -5,5 ni tashkil etgan. Mavjud uy sotuvlari tahlil qilinadigan bo‘lsa, u yerda holat ancha yaxshiroq ekanligini ko‘rish mumkin. Oktyabr oyida uy sotuvi kutilganidan ko‘proq bo‘lgan.

Jahon Insighs kanali ekspertlari 18 noyabrdan 22 noyabrgacha bo‘lgan davrda xalqaro moliya bozorida sodir bo‘lgan eng muhim voqealarni tahlil qilib chiqdi.  

AQSh top fond bozorlari indeksi:

• S&P500 – 5969 (hafta boshidan +1,68 foiz, yil boshidan +25,15 foiz);
• NASDAQ – 19003 (hafta boshidan +1,73 foiz, yil boshidan +26,6 foiz);
• DJI – 44296 (hafta boshidan +1,96 foiz, yil boshidan +17,53 foiz).

NASDAQ, Dow Jones va S&P500 indekslari mos ravishda 354 punkt, 852 punkt va 99 punktga ko‘tarildi.

Asosiy qimmatbaho metallar:

• Oltin – 2715 dollar (1 unsiyasi) hafta boshidan +5,97 foiz, yil boshidan +31,66 foiz;
• Kumush – 31,33 dollar (1 unsiyasi) hafta boshidan +3,61 foiz, yil boshidan +31,75 foiz.
• Alyuminiy – tonnasi 2630 dollar (hafta boshidan -0,86 foiz; yil boshidan +10,14 foiz);
• Mis – 4,08 dollar (hafta boshidan +0,68 foiz; yil boshidan +5,78 foiz).

Oltin, kumush va mis hafta davomida mos ravishda 153 dollar, 1,09 dollar, 0,03 dollarga o‘sdi. Faqatgina alyuminiy 22,8 dollarga arzonlashdi.

Neft

• WTI – 71,12 dollar (hafta boshidan +6,31 foiz, yil boshidan -0,25 foiz);
• BRENT – 75,05 dollar (hafta boshidan +5,7 foiz, yil boshidan -2,58 foiz).

Hafta davomida neftning WTI markasi 4,22 dollarga, BRENT esa 4,05 dollarga qimmatlashdi.

Valutalar

• USD/EUR: -1,14 foiz (yil boshidan -5,6 foiz);
• CNY/USD: +0,20 foiz (yil boshidan +2,08 foiz);
• TRY/USD: +0,39 foiz (yil boshidan +17,18 foiz);
• UZS/USD: -0,08 foiz (yil boshidan +4,07 foiz);
• RUB/USD: +4,33 foiz (yil boshidan +16,74 foiz).

Donald Trampning g‘alabasidan keyin dollar mustahkamlanishda davom etyapti. Hafta davomida yevro, yuan, lira va rubl dollarga nisbatan mos ravishda 1,14 foiz, 0,2 foiz, 0,3 foiz va 4,33 foizga pasaydi, so‘m esa 0,08 foizga mustahkamlandi.

Kriptovaluta

• Bitcoin – 98355 dollar (hafta boshidan +9,95 foiz, yil boshidan +131,92 foiz);
• Ethereum – 3328 dollar (hafta boshidan +8,18 foiz, yil boshidan +45,78 foiz).

Asosiy kriptolar ham keskin ko‘tarilishni qayd etdi. Bitcoin va Ethereum hafta mobaynida mos ravishda 9,95 va 8,18 foizga qimmatlashdi.

Bozorlar haqida qisqacha

Donald Tramp AQSh prezidentlik saylovlarida g‘alabani qo‘lga kiritganidan so‘ng moliya bozorlarida keskin o‘zgarishlar sodir bo‘lishni boshladi. Birinchidan, risklarga qarshi boshpana aktivlar hisoblangan oltin va neft narxi keskin tushib ketdi, chunki yangi prezident urushlarni to‘xtatishni va’da qilgandi. Shundan so‘ng murakkab monetar siyosat olib borayotgan Federal zaxira tizimi (FZT) raisi Jyerom Povell so‘nggi nutqida stavkalarni pasaytirishga shoshmaslik kerakligiga to‘xtalib, bunga sabab Trampning yangi ma’muriyati shakllanayotgan bir paytda kelajakda siyosiy va iqtisodiy vektor qaysi yo‘nalishda bo‘lishi aniq emasligini qayd etdi. Bu FZT maqsad qilgan 2 foizlik inflatsiya ko‘rsatkichiga yetib kelishda katta xavf tug‘dirishi mumkin.

Eslatma! Taqdim qilingan ma’lumotlar muallifga tegishli bo‘lib, 18 noyabrdan 22 noyabrgacha bo‘lgan vaqt oralig‘idagi moliya bozorida yuz bergan o‘zgarishlar asosida tayyorlangan. Ushbu maqola investitsion maslahat emas.