O‘zbekiston import bozorida elektromobil va gibrid avtomobillar yetakchilik qilmoqda

Mazkur nashrlarda ma’lum qilinishicha, 2024 yil yakunlariga ko‘ra, O‘zbekistonda ilk bor benzinda yuruvchi avtomobillarga nisbatan elektromobillar va gibrid shakldagi avtomobillar importi ustunlik qilgan.

Qayd etilishicha, bir yil ichida mamlakatga umumiy qiymati 1,9 milliard AQSh dollariga teng bo‘lgan 80 ming 235 ta yengil avtomobil olib kelingan. Bu ko‘rsatkich 2023 yilga nisbatan 7 foizga kam.

"Benzin dvigateliga ega avtomobillar importi 36,3 foizga kamayib, 32 ming 928 tani tashkil etdi. Import qilingan benzinda yuruvchi avtomobillarning ulushi esa 64,4 foizdan 44,2 foizga tushgan, – deb xabar bergan Ukraina OAV. – Gibrid avtomobillar importi 42 foizga oshib, 17 ming 480 taga yetgan. Ularning jami importdagi ulushi 15,3foizdan 23,4 foizga oshdi".

Ta’kidlanishicha, import qilinayotgan elektromobillarning o‘rtacha narxi deyarli uch baravarga arzonlashgan. Gibrid avtomobillar narxlari ham biroz arzonlashgan, - ularning o‘rtacha narxi 17,6 foizga tushgan. Benzinda ishlaydigan avtomobillar narxida pasayish 6 foizni tashkil etdi.

"Ekologik transportga o‘sib borayotgan talab soliq va bojxona imtiyozlari bilan rag‘batlantirilmoqda. Elektromobillar importi aksiz, bojxona to‘lovlari va avtomobil yig‘imlaridan ozod qilingan. Elektr va gibrid shakldagi avtomashinalardan foydalanuvchi taksi haydovchilari 2030 yilgacha litsenziya yig‘imlaridan ozod qilingan", – deb yozgan Ukraina elektron nashrlari.