Qoʻshimcha funksionallar
-
Tungi ko‘rinish
Olimlar Mars qa’rida ulkan ko‘l borligini aniqladi
Hisob-kitoblarga ko‘ra, agar bu ko‘lning suvi Mars yuzasi bo‘ylab teng taqsimlansa, uning balandligi 520 dan 780 metrgacha yetadi.

Xalqaro olimlar guruhi Marsning ichki qatlamlarida suv mavjudligiga ishora qiluvchi belgilarni aniqladi. Bu haqda Eurekalert saytida e’lon qilingan press-relizda so‘z boradi.
Qayd etilishicha, tadqiqot Xitoy Fanlar akademiyasining Geologiya va geofizika instituti, Avstraliya Milliy universiteti va Italiyaning Milandani Bikokka universiteti mutaxassislari tomonidan amalga oshirilgan.
Geofiziklar va geologlar NASA’ning InSight seysmometri orqali olingan ma’lumotlar asosida Marsdagi eng yirik meteorit zarbalari va sayyorada kuzatilgan silkinishlarni o‘rganib chiqqan.
Tahlil natijalariga ko‘ra, sayyora yuzasidan 5,4 dan 8 kilometrgacha bo‘lgan chuqurlikda to‘lqinlar harakatining sekinlashishiga olib keladigan anomaliya aniqlangan. Bu mazkur oraliqda suyuq suv bor bo‘lishi mumkinligini anglatadi. Olimlarning hisob-kitobiga ko‘ra, agar bu suv Mars yuzasi bo‘ylab teng taqsimlansa, uning balandligi 520 dan 780 metrgacha yetadi.
Tadqiqot mualliflari ta’kidlashicha, o‘rganishlar InSight moduli joylashgan nuqtadagi seysmik tezliklar o‘zgarishi asosida olib borilgan. Ularning so‘zlariga ko‘ra, aniqroq ma’lumot olish uchun qo‘shimcha missiyalar o‘tkazilishi zarur.
Olimlar, shuningdek, Mars ilgari suv bilan qoplanganini qayd etgan. Bu davr taxminan 3 milliard yil oldin tugagan. Suv Amazon davrida butunlay yo‘qolib ketgan. Geofiziklar suyuq suv mavjudligi Marsda hayot ehtimoli va insoniyat kelajagiga oid muhim savollarni yuzaga chiqarishini ta’kidlamoqda.
Bungacha Perseverance apparati Marsda ilgari suv mavjud bo‘lganiga oid dalillarni topgan edi. Olimlar sayyora yuzasi ostida kamida ikki xil mineralning shakllanish hodisasi sodir bo‘lganini aniqlagan. Ulardan biri Mars yuzasiga yaqin, ikkinchisi esa chuqurroq joyda hosil bo‘lgan. Bu esa Marsdagi suv tuproq jinslar orasiga chuqur kirib borganini anglatadi.
Tavsiya etamiz
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
So‘nggi yangiliklar
-
Ukraina Rossiyaga kelasi hafta yangi muzokaralar o‘tkazishni taklif qildi – Zelenskiy
Jahon | 23:10 / 19.07.2025
-
Xitoy Tibetda dunyodagi eng yirik GES qurishni boshladi
Jahon | 22:48 / 19.07.2025
-
Ozarboyjon AZAL samolyoti halokati bo‘yicha Rossiyaga qarshi xalqaro da’vo tayyorlamoqda
Jahon | 22:12 / 19.07.2025
-
Klasterlarning fermerlar oldida juda katta qarzdorligi bor - Qudbiyev
Iqtisodiyot | 21:56 / 19.07.2025
Mavzuga oid

22:00 / 17.07.2025
Marsning Yerdagi eng katta parchasi 5,3 million dollarga sotildi

11:49 / 12.07.2025
O‘zbekistonda aholining suvdan qancha qarzi borligi aytildi

10:19 / 12.07.2025
Xitoy O‘zbekistonda suv resursini tejash loyihalariga jalb etiladi

07:41 / 12.07.2025