Qoʻshimcha funksionallar
-
Tungi ko‘rinish
O‘zbekistonda tashlab yuborilayotgan biomassadan foydalanish pilot loyihasi amalga oshiriladi
Vazirlar Mahkamasi huzuridagi «O‘zenergoinspeksiya» boshlig‘i Ilhom Nig‘matullayev va Koreya Energetika agentligi ijrochi direktori Kim Sung Van boshchiligidagi delegatsiya o‘rtasida hamkorlik uchrashuvi bo‘lib o‘tdi.
Uchrashuvda Hyundai Power Systems, Quantum Solution, Aquapro hamda KEC System kompaniyalari vakillari ham ishtirok etdi.
Uchrashuv davomida O‘zbekistonda tashlab yuborilayotgan biomassadan foydalanish orqali kogeneratsiya loyihalarini rivojlantirish imkoniyatlari, texnologik hamkorlik istiqbollari hamda Toshkent shahrida o‘tkazilgan Energy Value Networks Forum natijalari muhokama qilindi.
Biomassa asosidagi pilot loyiha Farg‘ona viloyatining Qo‘qon shahri yaqinidagi hududda amalga oshirilishi rejalashtirilgan bo‘lib, uni 2030 yilga qadar yakunlash mo‘ljallanmoqda.
Shuningdek, Koreya Energetika agentligi tomonidan joriy yilda tashkil etiladigan malaka oshirish kurslarida «O‘zenergoinspeksiya» xodimlarining ishtirokini faollashtirish bo‘yicha chora-tadbirlar ishlab chiqildi.
Uchrashuv davomida ikki tomonlama hamkorlikni mustahkamlash maqsadida o‘zaro anglashuv to‘g‘risidagi memorandum imzolanishi bo‘yicha takliflar ham muhokama qilindi.
Mavzuga oid
08:40 / 29.11.2025
Energetika sohasida yuqori lavozimlarga yangi tayinlovlar amalga oshirildi
12:03 / 23.10.2025
Gaz tarmoqlariga «gaz nasosi» o‘rnatish taqiqlanadi: xatarlar haqida ogohlantirish berildi
11:05 / 04.09.2025
Toshkent viloyatida 3 mlrd so‘mlik elektrdan noqonuniy foydalanish holati aniqlandi
12:28 / 27.08.2025