Toshkent viloyatida 3 mlrd so‘mlik elektrdan noqonuniy foydalanish holati aniqlandi

Unda, Yangiyo‘l tumanida yakka tartibdagi tadbirkor «X.M.»ga qarashli tekstil mahsulotlarini ishlab chiqarish sexi o‘zboshimchalik bilan tarmoqqa ulanib, elektr energiyasidan noqonuniy foydalanib kelayotgani aniqlandi.

Ushbu qoidabuzarlik natijasida, dastlabki hisob-kitoblarga ko‘ra, elektr ta’minoti korxonasiga 3 milliard 78 million so‘mlik zarar yetkazilgani ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.