Qoʻshimcha funksionallar
-
Tungi ko‘rinish
Avstraliya Tuvalu aholisi uchun maxsus iqlim vizasini beradi
Ushbu arxipelag global isish tufayli suv ostiga g‘arq bo‘lmoqda. Aholisi qariyb 11 mingga yetadigan orol davlatning uchdan bir qismidan ortig‘i viza olish uchun ariza bergan.

Foto: Reuters
Tuvalu aholisining uchdan bir qismi arxipelag sekin-asta suv ostida qolib borayotgani bois Avstraliyadan maxsus iqlim vizasini olish uchun murojaat qildi. Bu haqda Tuvaluning BMTdagi elchisi Tapugao Folefuga tayanib, Reuters xabar berdi.
Avstraliya va Tuvalu arxipelag aholisi uchun iqlim vizasini berishni nazarda tutuvchi kelishuvni 2023 yilda imzolagan edi. Endi esa shu turdagi vizalar uchun ariza berish imkoniyati paydo bo‘ldi va allaqachon 1124 kishi bundan foydalandi. Ariza beruvchilar soni oila a’zolari bilan birga 4052 kishini tashkil etadi — Tuvalu aholisi esa 11 ming kishidan kamroq.
Avstraliya iqlim vizasini olgan tuvaluliklar mamlakatda yashash, ishlash va o‘qish imkoniyatiga ega bo‘ladi, shuningdek, ular avstraliyaliklar bilan bir qatorda sog‘liqni saqlash va ta’lim xizmatlaridan foydalana oladi. Ularga har yili atigi 280 ta viza ajratiladi, ariza berganlar o‘rtasida viza uchun lotereya o‘tkaziladi. Folefuning ta’kidlashicha, u «bunday imkoniyatni ko‘rib chiqayotgan odamlar soni ko‘pligidan hayratga tushgan».
Tuvalu — maydoni 26 ilometr kvadratga yetadigan to‘qqizta kichik atolldan (halqa shaklidagi marjonlar orollar) iborat orol davlat bo‘lib, u yerda 10,6 ming kishi istiqomat qiladi. Olimlarning baholashicha, global isishning hozirgi tendensiyasi saqlanib qoladigan bo‘lsa, 2100 yilga borib mamlakat hududining 95 foizi suv ostida qoladi. Shu bilan birga, ayrim mutaxassislarning ta’kidlashicha, arxipelag 2050 yilga borib yashash uchun yaroqsiz bo‘lib qoladi. 2023 yilda Tuvalu o‘z konstitutsiyasiga o‘zgartirish kiritgan bo‘lib, unga ko‘ra, agar butun hududi suv ostida qolsa ham, davlat o‘z mavjudligini davom ettiradi.
Tavsiya etamiz
Navbatdagi cho‘pchak: O‘zbekistonda kriptovaluta “qazib oluvchi” uskuna ijarasidan daromad olish taklif etilmoqda
Jamiyat | 20:37 / 14.07.2025
Toshkentda piyodalarga yo‘l bermagan haydovchilarni qayd etuvchi kameralar ishga tushirildi
Jamiyat | 17:45 / 14.07.2025
Toshkentda YPX xodimi xizmat mashinasida mototsiklchi bilan poyga o‘ynadi
O‘zbekiston | 17:53 / 12.07.2025
Jar yoqasidagi soha: Muammolar ko‘rsatildi, vazirlar esa jim
O‘zbekiston | 16:43 / 12.07.2025
So‘nggi yangiliklar
-
Ekologik xavflilik toifalari 3 toifaga qisqartirildi
O‘zbekiston | 14:47
-
AQShda yosh bolalar o‘rtasida nikotin bilan zaharlanish soni keskin oshdi
Jahon | 14:39
-
O‘zbekiston va Gurjiston TIV hamkorlik dasturini imzoladi
O‘zbekiston | 13:46
-
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40
Mavzuga oid

07:47 / 15.07.2025
Avstraliya Tayvan uchun urush boshlangan taqdirda o‘ziga hech qanday majburiyatni olmaydi

23:51 / 14.07.2025
Avstraliyada syorfer yigit bir kecha okeanda qolib ketdi

19:14 / 14.07.2025
Avstraliyada 19 ta davlat ishtirokida yirik harbiy o‘quv mashg‘ulotlari boshlandi

18:24 / 10.07.2025