Qoʻshimcha funksionallar
-
Tungi ko‘rinish
Xalqaro jinoiy sud «Tolibon» rahbarlarini hibsga olishga order berdi
Sudning fikricha, «Tolibon» olib borayotgan siyosat Afg‘onistonda fuqarolarning asosiy huquq va erkinliklarining jiddiy buzilishiga olib kelmoqda.

Haybatulloh Oxunzoda va Abdulhakim Haqqoniy
Xalqaro jinoiy sud (XJS) «Tolibon» rahbarlari — harakatning oliy rahbari Haybatulloh Oxunzoda va Afg‘oniston Islom Amirligi bosh sudyasi Abdulhakim Haqqoniyni hibsga olishga order berdi. Bu haqda sud press-relizida so‘z boradi.
Sudning hisoblashicha, Oxunzoda va Haqqoniy «buyruqlar berish, fitna qo‘zg‘ash yoki ko‘maklashish orqali» insoniyatga qarshi jinoyatlar sodir etgan, jumladan, gender asosida qizlar va ayollarni, shuningdek, ularga yordam berganlarni ta’qib qilgan.
«Sudning fikricha, ushbu jinoyatlar toliblar 2021 yil 15 avgustda hokimiyatni egallaganidan boshlab Afg‘oniston hududida sodir etilgan va kamida 2025 yil 20 yanvarga qadar davom etgan», - deyiladi xabarda.
Ta’kidlanishicha, «Tolibon» siyosati Afg‘oniston fuqarolari asosiy huquq va erkinliklarining jiddiy buzilishiga olib kelgan, bu esa qotilliklar, ozodlikdan mahrum etish, qiynoqlar, zo‘rlash va o‘g‘irlashlar bilan birga kechgan.
«Garchi ayrim taqiq va qoidalar butun aholi uchun joriy etilgan bo‘lsa-da, asosiy nishon aynan ayol va qizlar bo‘lgan — ular gender mansubligi sababli asosiy huquqlardan mahrum qilingan», - deyiladi Xalqaro jinoiy sud bayonotida.
XJS prokuraturasi «Tolibon» rahbarlarini hibsga olish uchun orderni 2025 yil yanvarda so‘ragan edi. «Tolibon» 2021 yili AQSh boshchiligidagi xalqaro koalitsiya qo‘shinlari Afg‘onistonni tark etganidan keyin mamlakatda hokimiyat tepasiga kelgandi.
Avvalroq BMT Bosh Assambleyasi ko‘pchilik ovoz bilan Afg‘onistondagi vaziyatga oid rezolyutsiyani ma’qullagan edi. Unda bu davlatni boshqarayotgan radikal «Tolibon» harakati keskin tanqid qilingan.
Tavsiya etamiz
Rossiyaga isiriq olib borgan tojikistonlik ayol 8 yilga qamaldi
Jahon | 07:46 / 23.08.2025
Oliygoh va litseylarda darslar qachon boshlanishi ma’lum qilindi
O‘zbekiston | 20:59 / 22.08.2025
Tramp, dollar va so‘m: AQSh valutasida pul jamg‘arish endi avvalgidek jozibali emasmi?
Iqtisodiyot | 20:54 / 22.08.2025
AQSh 55 milliondan ortiq viza egalarini tekshiradi
Jahon | 10:08 / 22.08.2025
So‘nggi yangiliklar
-
Maldiv orollarida kuz - chegirmalar va bonuslarga ega mehmonxonalar
O‘zbekiston | 13:00 / 26.08.2025
-
Toshkentdagi klinikada yuz bergan fojia bo‘yicha jinoyat ishi ochildi
Jamiyat | 23:51 / 26.08.2025
-
Tadbirkorlar uchun maxsus huquqiy rejim va har bir mahallaga futbol maydoni – mahalliy dayjest
O‘zbekiston | 23:14 / 26.08.2025
-
2026 yildan boshlab Android noma’lum dasturchilarning ilovalarini bloklaydi
Fan-texnika | 23:10 / 26.08.2025
Mavzuga oid

07:37 / 22.08.2025
Mozori Sharifda Navoiy yodgorligini qayta tiklash boshlandi

00:37 / 21.08.2025
Afg‘onistonda avtobus YTHga uchrashi oqibatida 79 kishi halok bo‘ldi

23:48 / 20.08.2025
Xitoy Afg‘onistonga “Bir kamar, bir yo‘l” loyihasiga qo‘shilishni taklif qildi

20:40 / 20.08.2025