Xitoy Guanchjou-Toshkent yo‘nalishi bo‘yicha to‘g‘ridan to‘g‘ri havo qatnovlarini yo‘lga qo‘ydi

Mazkur reys bilan Xitoyning yetakchi Guangzhou GZL kompaniyasi ko‘magida shakllantirilgan va 30 dan ortiq mahalliy sayyohlarni o‘z ichiga olgan birinchi guruh O‘zbekistonga jo‘nab ketdi.

Xitoylik sayyohlar to‘g‘ridan to‘g‘ri parvozlar, joriy etilgan vizasiz rejim, O‘zbekistonning boy madaniyati, tarixi va mehmondo‘stligi bilan tanishish uchun ajoyib imkoniyat yaratishini hamda Samarqand, Buxoro va Xiva kabi qadimiy shaharlarga sayohat qilishni yengillashtirishini ta’kidladi.

Yangi ochilgan Guanchjou - Toshkent yo‘nalishi bo‘yicha aviaqatnovlar O‘zbekiston-Xitoy hududlararo aloqalarini rivojlantirish, o‘zaro iqtisodiy, madaniy va turistik almashinuvlarni faollashtirishga xizmat qiladi.