Germaniya hozircha Falastin davlatini tan olish niyatida emas

Isroil xavfsizligi Germaniya hukumati uchun ustuvor masala va Berlin Fransiyadan farqli ravishda yaqin kelajakda Falastin davlatini tan olishni rejalashtirmayapti.

Foto: Anadolu Agency

Germaniya hukumati vakili Shtefan Korneliusning ma’lum qilishicha, Fransiyadan farqli o‘laroq, Germaniya yaqin kelajakda Falastin davlatini tan olishni rejalashtirmayapti.

Berlin hamon bu qadamni «ikki davlat qarorini amalga oshirish yo‘lidagi so‘nggi qadamlardan biri» deb hisoblaydi, dedi Kornelius. Uning so‘zlariga ko‘ra, «faqat muzokaralar yo‘li bilan ikki davlatga asoslangan yechim» «isroilliklar va falastinliklarga barqaror tinchlik va xavfsizlik olib kelishi mumkin».

Isroilning xavfsizligi «Germaniya hukumati uchun eng muhim masala» ekan, Berlin «qisqa muddatda Falastin davlatini tan olishni rejalashtirmayapti», deb tushuntirdi Kornelius.

Hukumat vakilining tushuntirishicha, hozir Berlinning bu boradagi ustuvor yo‘nalishi «eng dolzarb masalalar bo‘yicha uzoq vaqtdan beri kechikib ketgan muvaffaqiyatga erishish»: G‘azo sektorida o‘t ochishni to‘xtatish, HAMAS jangchilari tomonidan garovga olinganlarni ozod qilish, harakatni qurolsizlantirish va G‘azo sektorining tinch aholisiga yordam berish.

Tayyorlagan: Отабек Матназаров

#Germaniya #Falastin