Rossiyada jinoyatchi migrantlarning qarindoshlarini jazolash taklif qilindi

Og‘ir jinoyat sodir etgani uchun sudlangan migrantlarning qarindoshlarini Rossiyadan chiqarib yuborish kerak, tegishli qonun loyihasi allaqachon Davlat Dumasiga kiritilgan. Bu haqda «Spravedlivaya Rossiya — Za pravdu» partiyasi raisi Sergey Mironov ma’lum qildi, deb yozdi 360.ru.

Hujjatda, uning so‘zlariga ko‘ra, mamlakat hududida yoki uning tashqarisida og‘ir jinoyat sodir etgan xorijliklarning Rossiyaga kirishi taqiqlanishi ko‘zda tutilgan. Bu sudlanganlikning olib tashlanishi va bekor qilinishidan qat’i nazar sodir bo‘ladi, deb qo‘shimcha qildi Mironov va tashabbus huquqbuzarliklar sonini kamaytirishga yordam beradi, degan fikrni bildirdi.

«Afsuski, O‘rta Osiyo mamlakatlaridan kelganlarning jinoiy o‘tmishi bizning huquq-tartibot idoralari uchun yetti muhr ortidagi sir bo‘lib qolmoqda. Hech kim migrantlar Rossiyaga kelishidan oldin o‘z vatanida nima bilan shug‘ullanganini yoki o‘ziga qanday dog‘ tushirganini aniq bilmaydi», dedi parlament a’zosi.

Mironov, shuningdek, oilaviy klanlarni mamlakatdan chiqarib yuborishni taklif qildi. Biroq u tegishli qonun loyihasi parlament quyi palatasi muhokamasiga kiritilgan-kiritilmaganiga aniqlik kiritmadi.