Meksika 26 nafar narkobaronni AQShga topshirdi

AQShga ekstraditsiya qilinganlar orasida Los Cuinis guruhi rahbarlaridan biri - El Kuini laqabi bilan tanilgan Abigayyel Gonsales Valensiya; “Ritsar tampliyerlar” kartelining sobiq rahbari, La Tuta laqabi bilan tanilgan Servando Gomes Martines va jinoyat olamining katta ta’sir kuchiga ega boshqa a’zolari bor.

Servando Gomes Martines / Foto: AP

Meksika narkokartellarda ishtirok etishda gumonlangan 26 kishini AQShga topshirdi, deb xabar qildi Reuters.

"Ularning barchasi Amerika sohillariga zo‘ravonlik va narkotiklar kelishida qatnashgan va o‘z jinoyatlari uchun jiddiy javob berishadi", - dedi AQSh bosh prokurori Pem Bondi.

Manbalarning so‘zlariga ko‘ra, AQShga ekstraditsiya qilinganlar orasida Los Cuinis guruhi rahbarlaridan biri - El Kuini laqabi bilan tanilgan Abigayyel Gonsales Valensiya; “Ritsar tampliyerlar” kartelining sobiq rahbari, La Tuta laqabi bilan tanilgan Servando Gomes Martines va jinoyat olamining katta ta’sir kuchiga ega boshqa a’zolari bor.

Meksika shu yilning fevralida AQShga 29 nafar kartel a’zolarini topshirgandi.

Iyul oyi oxirida Donald Tramp xavfsizlik va noqonuniy migratsiyaga qarshi kurashishda hamkorlik qilish evaziga Meksikaga nisbatan boj kiritishni 90 kunga kechiktirishga rozi bo‘lgandi.

Tayyorlagan: Kun.uz Admin

#AQSh #Meksika #narkokartel