“Putin qo‘ng‘irog‘imni kutyapti” - Tramp

AQSh yetakchisi Donald Tramp Volodimir Zelenskiy va Yevropa rahbarlari bilan uchrashuvdan so‘ng Rossiya prezidenti Vladimir Putinga qo‘ng‘iroq qilishini aytdi.

"Bugungi uchrashuvlarimiz yakunlanishi bilan telefon orqali muloqot qilamiz”, dedi Tramp jurnalistlarga.

“U uchrashuvimiz tugaganidan so‘ng qo‘ng‘iroq qilishimni kutyapti”, deb qo‘shimcha qildi AQSh prezidenti.

Bugun Tramp Oq uyda Zelenskiy bilan yakkama-yakka suhbatlashadi.

So‘ngra AQSh yetakchisi Germaniya kansleri Fridrix Mers, Buyuk Britaniya bosh vaziri Kir Starmer, Fransiya prezidenti Emmanuel Makron, Italiya bosh vaziri Jorja Meloni, Finlandiya prezidenti Aleksandr Stubb, Yevrokomissiya rahbari Ursula fon der Lyayyen va NATO bosh kotibi Mark Ryutte bilan uchrashuv o‘tkazadi.