Tramp: Putin o‘zini yaxshi tutishiga umid qilaman, aks holda vaziyat og‘irlashadi 

Amerika rahbari intervyu davomida Putin va Zelenskiy o‘rtasidagi bo‘lajak muzokaralar, Rossiya-Ukraina mojarosi haqida fikr bildirdi.

Bo‘lajak uchrashuv haqida

Men Putin va Zelenskiyning ehtimoliy birinchi uchrashuvida qatnashishni rejalashtirmayapman.

Agar birinchi uchrashuv muvaffaqiyatli o‘tsa, undan so‘ng uch tomonlama uchrashuv o‘tkazish mumkin bo‘ladi.

NATO, Qrim va Ukrainaga qo‘shinlar joylashtirilishi haqida

Ruslar uchun Ukrainaning NATOga a’zo bo‘lishi Putindan avval ham tabu (taqiq) edi.  

SSSR va Rossiya NATOni o‘z chegaralari yaqinida ko‘rishni istamaganida haq bo‘lishgan.  

Qrim Ukrainaga qaytarilishi imkonsiz.

Men AQSh prezidenti ekanman, Ukrainada Amerika qo‘shinlari bo‘lmaydi. 

AQSh Yevropaga Ukrainaga qo‘shinlarini joylashtirishga yordam berishi mumkin.

Fransiya, Britaniya va Germaniya Ukrainaga o‘z qo‘shinlarini joylashtirmoqchi, bu Rossiya uchun muammo tug‘dirmaydi. 

Yon berishlar haqida

Putin o‘zini yaxshi tutishiga umid qilaman, aks holda vaziyat og‘irlashadi. 

Zelenskiy moslashuvchanlik ko‘rsatishi lozim.

Oq uydagi uchrashuvda Yevropa yetakchilari Ukrainaning hududiy yon berishi zarurligiga tushunuvchanlik bilan yondashishdi. 

Ukraina ko‘pgina yer oladi. 

Rossiya va Putin haqida

Men Rossiya prezidentiga Yevropa yetakchilari oldida qo‘ng‘iroq qilmadim, bu Putinga nisbatan hurmatsizlik bo‘lardi. 

Odamlarga yoqadimi-yo‘qmi, Rossiya — qudratli harbiy davlat.

Ochig‘ini aytsam, bu (tinchlik kelishuviga erishish) muammo bo‘ladi deb o‘ylamayman. Menimcha, Putin urushdan charchagan. Menimcha, ularning hammasi bundan charchagan, lekin anig‘ini bilib bo‘lmaydi. 

Prezident Putin haqida keyingi bir necha hafta ichida bilib olamiz. U kelishib olishni xohlamasligi ehtimoli bor.