Germaniya Afg‘onistonga muntazam deportatsiya qilish mexanizmini yaratmoqchi

Germaniya ichki ishlar vaziri Aleksandr Dobrindt Germaniyada boshpana berish rad etilgan afg‘on fuqarolarini Afg‘onistonga deportatsiya qilishni muntazam yo‘lga qo‘ymoqchi. «Federal hukumat deportatsiyaning doimiy mexanizmini yaratish ustida jadal ishlamoqda», dedi Germaniya IIV vakili dpa agentligiga.

Uning so‘zlariga ko‘ra, ushbu jarayon doirasida «barcha huquqiy va operatsion variantlar» ko‘rib chiqilmoqda. Idoraning ta’kidlashicha, iyul oyida bo‘lib o‘tgan deportatsiya parvozida bo‘lgani kabi, Qatar deportatsiyalarda ishtirok etadimi yoki yo‘qmi hali noma’lum.

2021 yil yozida Afg‘onistonda «Tolibon» harakati hokimiyat tepasiga kelganidan keyin Germaniya afg‘on fuqarolarini chiqarib yuborishni to‘xtatdi. Ular bor-yo‘g‘i bir yil avval – 2024 yil avgustida, sudlar tomonidan jinoyatlarda aybdor deb topilgan 28 nafar afg‘on fuqarosi Germaniyadan Kobulga yetkazilganida qayta tiklangan. Ketishdan oldin ularning har biri 1000 yevrodan olgan.